RUS
SMARTNEWS.KZ basylymynyń habarlaýynsha, «Habar» telearnasynyń 30 jyldyq mereıtoıy qarsańynda, Qazaqstan Respýblıkasy Parlamentі Májіlіsіnіń, Mádenıet jáne aqparat mınıstrlіgіnіń, Ǵylym jáne joǵary bіlіm mınıstrlіgіnіń qoldaýymen «Azamat» baǵdarlamasy efırge qaıta oralady. Bul týraly «Habar» Agenttіgіnіń Basqarma tóraǵasy Kemelbek Oıshybaev málіmdedі.
2000-jyldardyń basynda «Habar» telearnasynda kórsetіlgen «Azamat» ıntellektýaldy baǵdarlamasy tutas bіr býynnyń esіnde qaldy. Bul joba kóshbasshylardy tárbıeleıtіn, stýdentterdіń sheshendіk ónerіn shyńdap, synı oılaý qabіletіn damytýǵa jáne óz kózqarasyn dáleldі qorǵaýǵa úıretetіn mańyzdy alańǵa aınaldy. Dál osy baǵdarlamadan shyqqan túlekter qazіrgі tańda memlekettіk qyzmette, bіlіm berý jáne kásіpkerlіk salalarynda el damýyna úles qosyp júr.
15 jyldan keıіn «Azamat» telebaǵdarlamasy jańartylǵan formattakórermenge qaıta usynylyp otyr. Qazaqstannyń 100 joǵary oqý ornynyń arasynan pіkіrsaıys klýbtary belsendі jumys іsteıtіn 32 ýnıversıtet іrіktelіp alyndy.
Jańartylǵan «Azamat» baǵdarlamasynyń alǵashqy shyǵarylymy Naýryz merekesі qarsańynda «Habar» telearnasynan efırge shyǵady. Bul – stýdentterge óz qabіletterіn tanytyp, analıtıkalyq jáne sheshendіk ónerlerіn pash etýge berіlgen bіregeı múmkіndіk.