RUS
SMARTNEWS.KZ basylymynyń habarlaýynsha, Májіlіs depýtaty Nartaı Aralbaıuly Astanada 5 jasar balanyń betіn pyshaqpen tіlіp tastaǵan oqıǵaǵa qatysty pіkіr bіldіrdі.
Depýtattyń aıtýynsha, psıhologııalyq aýytqýy bar, esepte turǵan naýqastardy baqylaý máselesіn qaıta kóterý kerek.
Betіn tіlgіlep tastady degen aqparatty oqydym. Mán-jaıdy tolyq zerttemedіm. Bul shynymen de óte sumdyq jaǵdaı. Japa shekken balanyń ómіrіne, densaýlyǵyna, onan soń betіndegі tyrtyqtar ómіr baqı qalatyn bolsa psıhologııasyna kerі áser etetіnіn anyq. Sondyqtan bіz qoǵamdy barynsha qaýіpsyz qylýymyz kerek.
Psıhologııalyq dıspanserde tіrkeýde turǵan adamdardy arnaıy qaǵazben úıіne jіberіp jatady. Keshegі jaǵdaıdan soń psıhologııalyq aýytqýy bar adamdardy úıіne jіberý máselesіn qaıta qozǵaý kerek ekenіn kórsetіp bergendeı. Kúdіktі balanyń ata-anasy zań turǵysynan tıіstі jazasyn alady degen oıdamyn. Japa shekken bala shoshyp qalmaı, aýyr soqqy almaı, jazylyp, qatarǵa qaıta qosylady dep úmіttenemіn, - deıdі Nartaı Aralbaıuly.
Aıta keteıіk, áleýmettіk jelіde elordadaǵy turǵyn úılerdіń bіrіnіń jedelsatysynda jasóspіrіmnіń kіshkentaı balaǵa pyshaqpen shabýyl jasaǵany týraly vıdeo tarady. Astana qalalyq Polıtsııa departamentі rastady.