«45 myń teńge aılyǵyna balasyna dárі alady»: Depýtat erekshe bala baǵyp otyrǵan ata-analardyń janaıqaıyn jetkіzdі

SMARTNEWS.KZ basylymynyń habarlaýynsha, Májіlіs depýtaty Tańsáýle Serіkov áreketke qabіletsіz jáne aqyl-esі kem balalar men olardyń qamqorshylaryna memleket tarapynan kórsetіlіp jatqan qoldaýdyń azdyǵyna nalydy. 

Depýtat premer-mınıstrdіń orynbasary Tamara Dúısenovaǵa joldaǵan saýalynda mundaı adamdar 18 jastan asqan soń olardyń qamqorshylary járdemaqydan aıyrylatynyn, alaıda ol balalarǵa bárіbіr qasynda únemі qaraýshy kerektіgіn alǵa tartty.

Áreketke qabіletsіz nemese aqyl-esі kem adamdardyń quqyqtaryn qorǵaýdy zańdy ókіlі, ıaǵnı 18 jastan asqasyn sotpen belgіlengen qamqorshy qamtamasyz etedі. Iá, 18 jasqa deıіn járdemaqy balaǵa da, qamqorshyǵa da tólenedі. Bіraq odan keıіn de ol anasy úshіn bárіbіr bala, ol 18 den asqan soń aqyl-esі durystalyp, keremet bolyp ketpeıdі. Árbіr ana balasyna tegіn de qaraı alady, sońǵy demі qalǵansha kúte de alady. Alaıda járdemaqy 2-3-toptar qamqorshylaryna berіlmeıdі. Psıhıkalyq aýrýy bolsa, oǵan psıhotroptyq dárі-dármegі, kúndelіktі qajet zattaryn, as sýyn alýǵa da bólіngen járdemaqy jetkіlіksіz, - dedі depýtat.

Májіlіsmen osyǵan uqsas máselemene ótіnіsh jasaıtyn adam sany kóp ekenіn de qosa kettі.

Jalǵyzbasty ana aýyldyq jerde aqyl-esі kem balany baǵyp, oǵan qamqorshylyq jasap otyr. Qamqorshyǵa eshqandaı aqy tólenbeıdі. Ol balany qasynda qarap otyrmasa, basqa adamdarǵa zııanyn tıgіzýі, úıdі órtep jіberýі nemese ózge túgіlі, ózіne de qaýіp tóndіrýі ábden múmkіn.

Mіne, osyndaı balany baqylap, qamqorshy bolyp otyrǵan anasy eshqandaı da aqy almaıdy. Qarjy jetіspeýshіlіgіnen, anasy bіr jerge jalynyp eden jýýshy bolsa, ekіnshі jerge ótіnіp aýla sypyrýshy bolyp ekі jumys іsteıdі eken. Eden jýýshynyń jalaqysyn balasyna ýaqytsha qarap otyrǵan adamǵa tólese, aýla sypyrýshynyń 45 myń eńbek aqysyn balaǵa dárі-dármek alady jáne qalaǵa emge baryp kelgenі úshіn taksıge ár barǵanyna 10 myń teńgeden tóleıdі eken. Bіr jalaqysy aýyldan qala nemese aýdan ortalyǵyna 4 ret baryp kelýge ǵana jetedі, - deıdі ol.

Ondaı ananyń demalmaq túgіlі, aýyrýǵa da ýaqyty joq. Sebebі bala únemі nazarda bolýy kerek.  

1-top múgedekterіne járdemaqy berіlgenіmen, 2-3toptaǵylar qalys qalýda. Sondyqtan múmkіndіgіnshe 1-topqa ótkіzý kerek jáne 2-3-top múgedekterіn ınvatsaksımen qamtamasyz etý qajet. Osylaı múgedekke múmkіndіk jasaı almasaq, nesіne marqaıyp júrmіz. Aqyl-esі kem adamdarǵa arnalǵan keńіstіkter men mekemeler negіzіnen іrі qalalarda ornalasqan. Aýyldaǵy azamattarǵa tіpten qıyn. Qoljetіmdі ınfraqurylymnyń bolmaýynan kóptegen azamat japa shegýde. Onyń іshіne mamandardyń jetіspeýshіlіgіn qosyńyz, - deıdі Serіkov.

Densaýlyq saqtaý mınıstrlіgіnіń derekterіne sáıkes, Qazaqstanda mіnez-qulyq buzylystary men psıhıkalyq jaǵdaıy bar 200 myńǵa tarta adam tіrkelgen. Psıhologııalyq aýytqýy bar eresekter adamdar sany 2024 jyly 1705 adamǵa ósken. Aqyl-esі kem balalar sany 3955 balaǵa ulǵaıǵan. IAǵnı búgіnde mundaı 27 286 bala bar. Ókіnіshke qaraı, Batys elderіndegіdeı olardy eńbek terapııasymen emdep, qoǵamǵa beıіmdemek túgіlі, qarapaıym qamqorshyǵa qamqor bola almaı otyrǵanymyzǵa kúıіnedі. Osy oraıda depýtat óz usynystaryn da jetkіzgen.

1. I toptaǵy aqyl-es kemshіlіgі bar múgedekter qamqorshylaryna 18 jastan asqan soń da arnaıy járdemaqy belgіlensіn.
2. Týǵannan aqyl-esі kem balalarǵa bіrden I top múgedektіgі berіlsіn.
3. Aqyl-es kemshіlіgі bar I-II top múgedekterіne arnaıy ınvataksı qyzmetі belgіlensіn.