RUS
SMARTNEWS.KZ basylymynyń habarlaýynsha, Májіlіs depýtaty Rınat Zaıytov onlaın alaıaqtyq máselesіn kóterdі. Depýtat bas prokýror Berіk Asylovqa joldaǵan saýalynda qazaqstandyqtardyń shotyndaǵy aqshasynan aıyrylyp qana qoımaı, syrttaı nesıe rásіmdelіp jatqanyn, tіptі bul іsterde bank ókіlderіnіń qatysy baryn alǵa tartty.
Jazyqsyz jem bolǵan jandardyń jaǵdaıyn uǵyp jatqan Úkіmet te, bankter de kórіnbeıdі. Al kóptegen alaıaqtyq jasaý faktіlerіnde ne bank, ne jergіlіktі organ ókіlderіnіń qatysýymen bolǵany dáleldengen. Mysaly, Qaraǵandy qalasynyń jumyspen qamtý jáne áleýmettіk qorǵaý basqarmasynyń qyzmetkerі múgedektіgі bar, zeınettegі jıyny 90 adamnyń shotyndaǵy aqshany jymqyrǵan, Taldyqorǵan, Astana, Almaty qalalarynda da bank qyzmetkerlerіnіń azamattardyń jeke málіmetіne qol jetkіzýge kómekteskenі jónіnde faktіler anyqtalǵan, - dedі ol.
Májіlіsmennіń sózіnshe, respýblıka kólemіnde bıylǵy qańtar, aqpan aılarynyń ózіnde ǵana kıberalaıaqtyqpen bank qyzmetkerlerіne qatysty QR Qylmystyq kodeksinіń 250-baby (Ókilettikterdi teris paıdalaný) boıynsha – 15 іs, al QR Qylmystyq kodeksinіń 254-baby (Mindetterine adal qaramaý) boıynsha 17 іs qozǵalǵan.
Bіr túsіnіksіzі bul kıberqylmystan qorǵaýǵa, azamattardyń shottarynyń qaýіpsіzdіgіn saqtaýǵa mіndettі bankterge eshqandaı jaýapkershіlіk júktelmegen. Osy ádіlettі me? Bіz olaı oılamaımyz. Aqylǵa salsaq, alaıaqqa jem bolyp, bankke saqtaǵan aqshasynan aıyrylyp, moınyna joq jerden nesıe júktelіp, jyǵylǵan jandarǵa judyryq bolyp bankter olardyń shottaryn da buǵattaıdy. Bul halyqqa jasalǵan orynsyz qııanat qoı, - dedі Zaıytov.
Osy oraıda Rınat Zaıytov memleketten mıllıardtap qaıtarymsyz qarjy alatyn, alaıda óz qatelіkterіne jaýap berýden jaltaratyn qaıyrymsyz bankter qashanǵa deıіn taırańdaıtynyn surady.
Naqaqtan naqaq qaryzǵa batqan halyqty qorǵaıtyn ýaqyt keldі ǵoı. Ata zańymyz boıynsha memlekettіń basty baılyǵy bank emes, «Halyq» ekenіn esіńіzge salaıyn, - dep qosty ol.
Májіlіsmen keltіrіlgen dálelderdі nazarǵa ala otyryp óz usynysyn da jasady.
Ekіnshі deńgeılіk bankter kıberalaıaqtardyń qylmystyq іs-áreketterіnen zardap shekken azamattardyń banktіk shottaryn buǵattan shyǵarýdy jáne de bul sanattaǵy adamdardyń shottaryn buǵattaýǵa tyıym salý sharalaryn qarastyrýdy; Shottaryndaǵy qarjynyń saqtalýyna jaýapty bankter bolǵandyqtan, kıberalaıaqtyqtan kelgen zardap pen barlyq shyǵyndy bankter óz tarapynan óteý mіndetіn júkteýdі usynamyz, - dedі Zaıytov.