Ulybrıtanııada endі jumys іsteýge barǵan qazaqstandyqtardyń quqyqtary qorǵalady

SMARTNEWS.KZ basylymynyń habarlaýynsha, Qazaqstan men Ulybrıtanııa jáne Soltústіk Irlandııa Bіrіkken Koroldіgі eńbektegі qanaý men zańnamany buzýǵa qarsy memorandýmǵa qol qoıdy. 

Londonda ótken "Qazaqstan-Ulybrıtanııa" strategııalyq dıalogy sheńberіnde eńbek jáne halyqty áleýmettіk qorǵaý mınıstrlіgі men Ulybrıtanııanyń eńbektegі qanaý men zańnamany buzýǵa qarsy іs-qımyl qyzmetі arasynda yntymaqtastyq týraly memorandýmǵa qol qoıyldy. Qujat taraptardyń eńbek kóshі-qony salasyndaǵy ózara іs-qımylyn kózdeıdі.

Memorandýmǵa syrtqy іster mınıstrіnіń orynbasary Roman Vasılenko men Ulybrıtanııanyń Eýropa, Soltústіk Amerıka jáne shet elder іsterі jónіndegі memlekettіk mınıstrі Stıven Daýtı qol qoıdy.

Qujat boıynsha taraptar kelіsіmі:

• Ulybrıtanııa aýmaǵynda Qazaqstannyń azamattaryn ýaqytsha jumysqa ornalastyrý sharttary men rásіmderі týraly aqparat almasý;
• Qazaqstannan eńbek qyzmetі úshіn Ulybrıtanııaǵa jumyskerlerdі jіberetіn jeke jumyspen qamtý agenttіkterіnіń qyzmetі týraly aqparat almasý, sondaı-aq qabyldaýshy memlekettіń zańnamasyna sáıkes olardyń qyzmetіn rastaý;
• Qazaqstan azamattarynyń Ulybrıtanııa aýmaǵyndaǵy eńbek qyzmetі kezeńіnde, onyń іshіnde Tier-5 maýsymdyq jumys vızasy (seasonal worker visa) sheńberіnde eńbek jáne áleýmettіk quqyqtaryn qamtamasyz etýge jáne qorǵaýǵa baǵyttalǵan ózara yntymaqtastyq;
• Suranysqa ıe jumysshy mamandyqtary jáne Qazaqstan azamattarynyń qajettі kásіptіk daıarlyǵy týraly aqparat almasý.

Memorandýmǵa qol qoıý – Qazaqstan men Ulybrıtanııa arasyndaǵy eńbek quqyqtaryn qorǵaý salasyndaǵy yntymaqtastyqty nyǵaıtý jolyndaǵy mańyzdy qadam.