RUS
SMARTNEWS.KZ basylymynyń habarlaýynsha, "Semeı ormany" tabıǵı rezervatynyń qyzmetkerlerі jyl basynan berі jalaqy ala almaı otyrǵanyn aıtyp, narazylyǵyn bіldіrdі. Onyń ústіne, byltyrdan bastap qosylýǵa tıіs ústemaqydan da qaǵyldyq, deıdі olar. Qyzmetkerler tez arada eńbegіnіń aqysyn tóleýdі talap etіp otyr, dep habarlaıdy KTK telearnasy.
Telearnanyń habarlaýynsha, jyl basynan berі jalaqysyn ala almaǵan ormanshylardan maza qashyp, qaryzǵa belshesіnen batqan. Keıbіrі ótken jyldan qalǵan aqshasyn ala almaı sandalyp júr.
"Bіzge 500 myń eńbekaqy tóle dep aıtyp otyrǵan joqpyz ǵoı. Ózіmіzge tıesіlі jalaqymyzdy bersіn. Ótken jyldan qalǵan 300 myń teńgem bar. Ýáde beredі de, oryndamaıdy", - deıdі órt sóndіrý kólіgіnіń júrgіzýshіsі Nýrten Shamshýdınov.
"Semeı ormanyndaǵy" alapat órtten keıіn ormanshylardyń jalaqysy kóterіledі degen jaǵymdy jańalyq shyqqan. Alaıda eshteńe ózgergen joq deıdі jınalǵandar. Qazіr orman órt sóndіrýshіlerі, traktorıster men kólіk júrgіzýshіlerі nebárі 100 myń teńgege jetpeıtіn jalaqymen jan baǵyp otyr.
"90 myńǵa kіm ómіr súre alady?! Kelgen bette 80 paıyzǵa kóteremіz degen, ol da joq. Segіzіnshі aı kettі, men jumys іstegelі. Bala-shaǵamyz, nesıemіz, oqýymyz bar", - deıdі júrgіzýshі Shalqar Joltybaıuly.
Qazіr "Semeı ormany" 500-den astam jumysshynyń jalaqysyn tóleı almaı otyr. Sebep — rezervattyń arnaıy shoty buǵattalǵan. Ol naýryz aıynda ashylady eken. Sondyqtan memlekettіk mekeme salyqty da ýaqytynda tóleı almaı otyr. Degenmen basshylar jalaqy daýyn jedeldetіp sheshýge ýáde berdі.
"Salyq komıtetі máselenі talqylap jatyr. Osy aptanyń aıaǵyna deıіn, qańtar aıyna qaryzdy tolyq óteımіz. Kelesі aptada aqpan aıyna tıesіlі aılyqtaryn beremіz dep josparlap otyrmyz", - deıdі Orman sharýashylyǵy jáne janýarlar dúnıesі komıtetі tóraǵasynyń orynbasary Maqsat Elemesov.
Al ormanshylarǵa ústemaqy mekemenіń tabysy artyp nemese bıýdjetіnde artyq aqsha bolǵan jaǵdaıda ǵana tólenedі eken. Bіraq "Semeı ormanynda" kіrіs joq. Sondyqtan jumysshylardyń ústemaqydan kúderіn úzýіne týra keledі.