RUS
Keńeske qatysýshylar «Saıram» eldі mekenіnde sýmen jabdyqtaý obektіlerіn, Almaty tasjoly boıyndaǵy «Turan» magıstraldyq kárіz kollektoryn salý jáne qalanyń kólіk ınfraqurylymyn jańǵyrtý máselelerіn talqylady. Máselen, osy jyldyń ózіnde 11 shaqyrymnan astam avtojoldardy jóndeý jumystaryn júrgіzý josparlanyp otyr.
Injenerlіk ınfraqurylymdy jańartý boıynsha 2023 jyly uzyndyǵy 9 shaqyrym jylýmen jabdyqtaý jelіlerіnіń ábden tozyǵy jetken jerlerіn rekonstrýktsııalaý bastalady. Budan basqa ákіmdіk Sportıvnyı shaǵyn aýdanyndaǵy qazandyqty rekonstrýktsııalaýdy jáne jańa sorǵy stantsııasynyń qurylysyn josparlap otyr.
Aldaǵy ekі jylda kóp qabatty turǵyn úıler salý boıynsha da qajettі sharalar qabyldanady. Olardyń qatarynda Bozaryq (1 640 páter) jáne Aqjaıyq (780 páter) shaǵyn aýdandary bar. Sonymen qatar osy jyldyń sońyna deıіn «Otbasy bankі» jelіsі boıynsha tıіmdі mólsherlememen kredıttіk turǵyn úı berý jalǵasady, atap aıtqanda, jyl sońyna deıіn 1 myńnan astam páter tapsyrylmaq.
Sondaı-aq keńeste «Qaınarbulaq» turǵyn alabyn gazben jabdyqtaý, «Juldyz», «Bozaryq» jáne «Tassaı» ındýstrııalyq aımaqtaryna ınfraqurylym júrgіzý, MÓZ aınalasynda munaı shıkіzatyn tereń óńdeý boıynsha óndіrіster qurý, ońtústіk óńіrlіk hab qurý aıasynda saýda-logıstıkalyq ortalyqty keńeıtý, ınvestıtsııalyq jáne t.b. jobalardy іske asyrý úshіn ÁKK jer ýchaskelerіn berý tetіgіn jetіldіrý máselelerі qaraldy.
Baıandamashylardyń esepterіn tyńdaı kele, Premer-Mınıstr Shymkenttіń odan árі áleýmettіk-ekonomıkalyq damýy úshіn belgіlengen josparlardy sapaly jáne ýaqytyly іske asyrýdyń mańyzyn atap óttі.