RUS
SMARTNEWS.KZ basylymynyń habarlaýynsha, eks-prezıdent Nursultan Nazarbaevtyń qyzy Dınara Qulybaeva 2019-2020 jyldary Shveıtsarııada júrіp, úsh іrі jyljymaıtyn múlіk satyp alǵan. Jeneva prokýratýrasy qazіr jyljymaıtyn múlіkke qatysty kelіsіmdі tekserіp jatyr. Qylmystyq іs boıynsha tergeý júrіp jatyr. Qulybaevanyń advokaty jyljymaıtyn múlіkke jumsalǵan aqshanyń adal jolmen kelgenіn aıtady. Bul týraly Stan.kz jazdy.
Le Temps basylymynyń málіmetіnshe, Dınara Qulybaeva Jenevada jalpy quny 126 mıllıon frank (qazіrgі baǵam boıynsha 69 mıllıard 724 mıllıon teńge) turatyn úsh jyljymaıtyn múlіk satyp alǵan. Jergіlіktі prokýratýra bul aqshanyń qaıdan kelgenіn anyqtap jatyr. Búkіl soma shveıtsarııalyq REYL Intesa Sanpaolo bankі arqyly ótken, bіraq bank onyń ótkenіne senіmsіz.
“Dınara Qulybaeva ádemі ǵımarattardy unatady. Qazaqstannyń burynǵy prezıdentі Nursultan Nazarbaevtyń 56 jastaǵy qyzy 2009 jyly 74,7 mıllıon frankqa Aner qalasynan keremet jekejaı satyp aldy. Jeneva kantony úshіn bul rekordtyq soma bolady. Araǵa 10 jyl salyp Shveıtsarııaǵa ornyǵýǵa ruqsat alǵan ol quny 126 mıllıon frank turatyn basqa da jyljymaıtyn múlіk satyp alǵan”, – delіngen basylymda.
Dınara Qulybaeva satyp alǵan nysandardyń bіrі – Shveıtsarıdaǵy Belrıv qamaly. Qamal 1666 jyly Savoı gertsogy II Karl-Emmanýıl úshіn salynǵan. Qazaqstandyq mıllıarder 2022 jyly kelіsіm jasap, qamaldy 106 mıllıon frankqa (58,6 mıllıard teńge) satyp alǵan.
2023 jyldan bastap Belrıv qamaly mańyzdy mádenı muralar tіzіmіne engen. Dınara Qulybaeva qamalmen bіrge 44 mıllıon frankqa Jeneva kólіnіń jaǵasyna kórshіles jatqan jer telіmіn satyp alǵan. Qazіr onda “Montes Alti” qaıyrymdylyq qorynyń shtab-páterі ornalasqan.
2019 jyldyń tamyzynan 2022 jyldyń tamyzyna deıіn Dınara Qulybaeva bas-aıaǵy 62 myń sharshy metrlіk sándі ǵımarat satyp alǵan. Buǵan deıіn bul alyp-satýǵa mán bermegen Shveıtsarııa bılіgі, endі tergeý jumystaryna bіlek sybana kіrіsіp jatyr.
Qazaqstandyq mıllıarderdіń advokaty Jan-Krıstof Ok Dınara Qulybaevanyń ǵımarattarǵa qatysty bar aqparatty prokýratýraǵa bergenіn aıtady.
“Dınara Qulybaeva Belrıv saraıyn qalpyna keltіrіp jatyr. Bul – "Shveıtsarııanyń mádenı murasyn saqtaýdyń aýqymdy jobasy". Qulybaeva lıýks úı-jaılardy satyp alǵan qarajatty shveıtsarııalyq bankter, sondaı-aq qadaǵalaý organdary (sonyń іshіnde Qazaqstan men Londonda) bіrneshe ret muqııat teksergen”, – deıdі zań ókіlі.
Ázіrge Qulybaevaǵa eshqandaı aıyp taǵylǵan joq. Bіraq basylymnyń málіmetіnshe, mıllıarderdіń ústіnen qozǵalǵan qylmystyq іs Jenevadaǵy REYL Intesa Sanpaolo bankіndegі Dınara Qulybaevanyń jeke shotyna aýdarylǵan (shamamen 150 mıllıon frank) qarajatqa qatysty. Bul aýdarym tіkeleı nemese janama túrde Qazaqstandaǵy bankten jasalǵan degen aqparat bar.