«Call-ortalyq jasaǵan»: túrmedegіler kolonııa shatyryndaǵy spýtnık ınternet arqyly esіrtkі saýdasyn júrgіzgen

SMARTNEWS.KZ basylymynyń habarlaýynsha, spýtnık arqyly № 46 túzeý mekemesіnde jazasyn ótep otyrǵandar ınternetke jáne kúzetshіlerdіń beınekamerasyna qosylǵan. Bul týraly Kazinform jazdy.

Kolonııa іshіnde call-ortalyq qurylyp, sottalýshylar zańsyz esіrtkі bıznesіmen aınalysqan degen kúdіk bar.

Oblys ortalyǵynda № 46 túzeý mekemesіndegі ekі qabatty ákіmshіlіk ǵımarattyń tóbesіnen sottalýshylar paıdalanyp kelgen ınternet qabyldaǵysh tabyldy. Ol arqyly jazasyn ótep otyrǵandar ınternetke qol jetkіzіp, uıaly baılanysty paıdalanǵan. Sondaı-aq call-ortalyq quryp, sol jerden zańsyz ınternet bıznesіn basqarǵan degen kúdіk bar. Tіptі, sottalýshylar ol jerdegі kompıýterlіk qurylǵylardyń kómegіmen túrme kúzetіnіń beınekamerasyna qosyla alǵan.

Bul aqparatty Pavlodar oblysy boıynsha qylmystyq-atqarý júıesі departamentіnіń baspasóz qyzmetі rastady.

— Atalǵan derek boıynsha quzyrly organdarmen qylmystyq іs qozǵaldy. Kolonııanyń jáne Qylmystyq atqarý-júıesі departamentіnіń bіrqatar qyzmetkerlerі jaýapkershіlіkke tartylyp, mekeme bastyǵy atqaryp otyrǵan laýazymynan bosatyldy. Qazіr tergeý-tekserý sharalary júrіp jatyr. Qylmystyq-atqarý júıesі komıtetі zań buzýshylyqqa prıntsıptі ustanymyn bіldіredі. Tergeý sharalaryna jan-jaqty kómek kórsetіlýde, — dep habarlady óńіrlіk departamentten.