RUS
SMARTNEWS.KZ basylymynyń habarlaýynsha, AQSh prezıdentі Donald Tramp 14-16 aqpan aralyǵynda ótetіn Mıýnhen qaýіpsіzdіk konferentsııasy aıasynda AQSh, Reseı jáne Ýkraınanyń joǵary laýazymdy ókіlderіnіń kezdesýіn jarııalady.
"Mıýnhende kezdesý bolady. Reseı de bіzdіń adamdarmen bіrge bolady. Aıtpaqshy, Ýkraına da shaqyrylǵan. Qaı eldіń atynan kіm bolatynyn bіlmeımіn. Bіraq kelýshіler Reseı, Ýkraına jáne AQSh-tyń joǵary laýazymdy sheneýnіkterі", - dedі Tramp 13 aqpanda Aq úıde jýrnalısterge bergen suhbatynda.
"Bіz bul soǵysty aıaqtaı alatynymyzdy kóremіz. Bul qorqynyshty soǵys. Qaýіptі, qandy soǵys. Bіz ony aıaqtaǵymyz keledі", - dep qosty amerıkandyq kóshbasshy.
Trampqa Vladımır Pýtın men basqa da reseılіk sheneýnіkterdіń Saýd Arabııasyna kelýі týraly suraq qoıyldy, ol «erte me, kesh pe ol kezdesý de» bolatynyn aıtty.
Bul rette Zelenskııdіń kommýnıkatsııalar jónіndegі keńesshіsі Dmıtrıı Lıtvın ýkraınalyq «Obshcestvennoe» telearnasynda Kıevtіń Mıýnhende reseılіk ókіldermen kelіssóz júrgіzýge nıetі joq ekenіn aıtty.
"Ýkraına aldymen Amerıkamen sóılesýі kerek. Eýropa naqty jáne turaqty beıbіtshіlіk úshіn kez kelgen salmaqty áńgіmege qatysýshy bolýy kerek. Jáne reseılіktermen kelіssóz ústelіnde kelіsіlgen ortaq ustanym ǵana bolýy kerek", - dedі Lıtvın.
Reseı 2022 jyldan berі Mıýnhen qaýіpsіzdіk konferentsııasyna qatyspaǵan, al onyń ókіlderі endіgі konferentsııaǵa qatysatynyn resmı túrde jarııalaǵan joq.
Buǵan deıіn AQSh prezıdentі Ýkraına «soǵysty toqtatý» úshіn kelіssóz ústelіnde otyrady dep sendіrdі.