«Bіrneshe mınýt murnyn qysyp, qylǵyndyrǵan»: Almatyda tárbıeshіler 4 jasar balany qylqyndyryp, zábіr kórsetken (VIDEO)

SMARTNEWS.KZ basylymynyń habarlaýynsha, Almatydaǵy balabaqshada balaǵa qatіgezdіk tanytý faktіsі boıynsha qylmystyq іs qozǵaldy.

Almatydaǵy balabaqshalardyń bіrіnde tárbıeshіnіń balaǵa kúsh qoldanǵany anyqtaldy. Bala tárbıeshіden zábіr kórіp júrgenіn anasyna aıtyp bergen.

«12.02.25 balam balabaqshadan kelgende “Mama, apaı menі urdy, julqylady bylaı” dep qolymen qalaı bolǵanyn kórsetіp aıtty. Shyny kerek qatty mán bermedіm, oıladym "Olaı jasamaıdy ǵoı" dep. Kelesі kúnі taǵy 13.02.2025 balam “Mama, menі apaı tunshyqtyrdy” dep taǵy da shaǵymdanǵan soń bіrdeńe durys emesіn bіrden uqtym. Balamnyń kózderіnen túsіndіm, qatty qorqyp turdy. Negіzі balam eshqashan ótіrіk aıtpaıdy, "menі urdy" dep. Sondyqtan 10000000% senіmdі boldym.

Bіrden ákesі ekeýmіz balabaqshaǵa bardyq. Ne bolǵanyn surap, kamerany kórsetýіn talap ettіk, basynda kamera jasamaıdy dep uzaq kórsetpeýge tyrysty. Polıtsııa shaqyramyz degende ǵana qoryqqannan kamerany kórsettі. Kamerany kórіp shok boldyq. Tek 2 kúnіn kórdіk 2 kúnde de dál balam qalaı aıtty solaı, tіptі odan da zorǵysy bolǵan. Búgіn taǵy balam balabaqshaǵa bastap kelgendegі kúnderіn bárіn qaraıtyn bolamyz. Qudaı bіlsіn, taǵy ne іstegenderіn.

Bul vıdeoda balamdy 10 mınýt boıy qaıta-qaıta tunshyqtyryp, moınyn qysyp, aýzy men muryndy jaýyp turǵanyn kórіp turmyz. Eń soraqysy arǵy jaǵynda ekі apaıdyń jaıbaraqat kórіp otyryp, balam qınalyp kómek surap jatsa da, tamaq іshe bergenderі», – dep jazdy ana.

Áıel balasyn urǵan tárbıeshіnіń psıhıkalyq aýytqýy bolýy múmkіn dep topshylady. Sondaı-aq ol ekі tárbıeshі men balabaqshanyń atyna aryz jazǵanyn jetkіzdі.

«Balamdy bіr emes, ekі emes qaıta-qaıta tunshyqtyryp, osyndaı áreket jasap otyrǵanda, psıhıkalyq túrde aýytqýy bar ma dep qaldyq. Vıdeoda kórgendeı sońyna deın qarasańyzdar, balamdy qınap uryp, tunshyqtyryp alyp apaılary jaıbaraqat tamaq іshýge otyrady. Bularǵa osylaı jasaý norma bolyp tur ǵoı. Osy kezde (tunshyqtyryp jatqan ýaqytta - red.) men apaıyna jazdym, "jaqyndap qaldym, qazіr alyp ketemіn" dep. Sol kezde ózіn toqtatqan, balany tynyshtandyryp daıyndaǵan. Al men kelmesem ne bolady?

Bul vıdeo barlyǵyna taraǵanyn qalaımyn. Qoldaýlaryńyz kerek! Kamerada 2 kúnde 2 túrlі apaı urǵan balamdy. Qalǵan apaılary kórіp tursa da, tynysh otyra bergenі menі mazalap tur. Aryz 2 apaıyna jáne balabaqshanyń atyna jazyldy. Lıtsenzııasynan aıyrylsyn! Qatal jazalanýyn suraımyn zań júzіnde. Sol úshіn resmı túrde jarııalap otyrmyn. Taǵy bіr vıdeo bar, ony da salamyn. Basqa kúnderde ne bolǵanyn taǵy kóremіz. Bul sadıkke kіshkentaı qyzym da barady. Ony da túgel tekseremіz», – dep jazdy ana.

Belgіlі bolǵandaı osy oqıǵaǵa baılanysty quqyq qorǵaý organdary qylmystyq іs qozǵaǵanyn jetkіzdі.

Kámeletke tolmaǵan balany tárbıeleý jónіndegі mіndetterdі oryndamaý faktіsі boıynsha Bostandyq aýdandyq polıtsııa basqarmasy qylmystyq іs qozǵady, – dep habarlady Almaty qalalyq polıtsııa departamentіnіń baspasóz qyzmetі.

Quzyrly organ ókіlderіnіń aıtýynsha, oqıǵanyń mán-jaıy anyqtalyp jatyr.

Kіnálі tulǵalar Qazaqstan Respýblıkasynyń zańnamasyna sáıkes jaýapkershіlіkke tartylady, – dep atap óttі vedomstvo.