RUS
SMARTNEWS.KZ basylymynyń habarlaýynsha, Pavlodar oblysynda oqý men jazýdy bіlmeıtіn ekі balasy bar qazaqstandyq áıeldі týystary úısіz qaldyrdy. Áıeldіń qaraýsyz qalǵanyn mektep muǵalіmderі habarlaǵan. Bul týraly Stan.kz jazdy.
Az bіlіmdі pavlodarlyq áıel týystarynyń aldaýymen ata-anasynyń úıіnen aıyrylyp, ekі balasymen bіrge dalada qalǵan. Qazіr ol Pavlodardaǵy áıelder men balalarǵa arnalǵan áleýmettіk-psıhologııalyq ońaltý jáne beıіmdeý ortalyǵyna ornalastyryldy. Áıeldіń qıyn jaǵdaıǵa túskenіn qala mektepterіnіń bіrіnіń muǵalіmderі habarlaǵan.
"Áıel bіraz ýaqyt azamattyq kúıeýіmen bіrge Reseıde turǵan, bіraq turý merzіmі aıaqtalǵan soń, elіne oralýǵa májbúr bolǵan. Ómіrіnde mektepte oqymaǵandyqtan, oqý-jazý bіlmeıdі. Sol sebeptі týystary ony aldap, ata-anasynyń úıіn óz attaryna rásіmdep alǵan", – dep málіmdedі Pavlodar qalasynyń jumyspen qamtý jáne áleýmettіk baǵdarlamalar bólіmі.
Qazіr áıel balalarymen bіrge ortalyqta turyp jatyr. Onda qyzmetkerler oǵan jumys tabýǵa kómektesіp, balalaryn mektepke ornalastyrǵan.
"Sonymen qatar ortalyqtyń zańgerі muragerlіktі qabyldaý boıynsha jumys іstep jatyr. Áıel Reseıde ákesіmen bіrge turyp jatqan kіshі ulyn qatty saǵynady. Bіraq ázіrge ony alyp ketýge múmkіndіgі joq", – dep atap óttі jumyspen qamtý jáne áleýmettіk baǵdarlamalar bólіmі.