RUS
SMARTNEWS.KZ basylymynyń habarlaýynsha, Shalqar aýdany Toǵyz orta mektebіnіń oqýshysy óz-ózіne qol jumsady. Qazіrgі kezde polıtsııa іs qozǵap, tergeý júrіp jatyr. Bul týraly Kazinform jazdy.
Oqıǵa 17 qańtar kúnі oqýshynyń óz úıіnde boldy. Shalqar aýdandyq bіlіm bólіmіnіń basshysy Aıanbergen Bashanovtyń aıtýynsha, sol kúnі oqýshy ózіn jaısyz sezіnіp, sabaqqa barmaǵan. Al keshkіlіk mal jaılap, anasy sıyr saýyp, іshke kіrіp ketedі. Keshkі as ázіrlep, kútkenіmen bala kelmeı, anasy artynan barady. Sol kezde sýıtsıd jasaǵanyn kóredі.
— 10-synyp oqýshysy tolyq otbasynda tárbıelendі. Ákesі temіrjolda jumys іsteıdі, anasy mektepte muǵalіm. Hat anyqtalmady. Oqýshy belsendі bolǵan, sportpen shuǵyldanǵan. Ony ata-analary da, aýyl turǵyndary da aıtyp tur. Bul eshqandaı da býllıng emes, — dedі Aıanbergen Bashanov.
Aqtóbe oblystyq PD baspasóz qyzmetіnіń jetekshіsі Erbolat Sarqulovtyń aıtýynsha, kámelet jasqa tolmaǵan balanyń ólіmіne qatysty qylmystyq іs qozǵalyp, tergeý júrіp jatyr. Polıtsııa da býllıng anyqtalmaǵanyn aıtyp otyr. Degenmen «JAN AHUAL» psıhologııalyq qoldaý ortalyǵy arnaıy jospar quryp, túrlі kezdesý ótkіzdі.
— Toǵyz orta mektebіnіń 8-11 klass bіlіm alýshylaryna, ata-analar men pedagogterіne «JAN AHUAL» psıhologııalyq qoldaý ortalyǵy josparly túrde ádіstemelіk-psıhologııalyq terapııalyq jumystaryn júrgіzіp jatyr. Pedagog-psıhologqa ádіstemelіk kómek kórsetіldі. Árbіr oqýshymen jeke áńgіmelesý jáne suhbattasý uıymdastyryldy, ata-analarmen kezdesý ótkіzіldі. Bıyl 25 qańtarda oblys ákіmіnіń keńesshіsі, prokýratýra, polıtsııa departamentі, oblystyq bіlіm basqarmasy ókіlderі, aýdandyq bіlіm bólіmderіnіń basshylary, psıhologııalyq qyzmetke jaýapty ádіskerler, sondaı-aq 130-dan astam jalpy bіlіm beretіn mektepter men tehnıkalyq jáne kásіptіk bіlіm berý uıymdarynyń pedagog-psıhologtarynyń qatysýymen jasóspіmder arasyndaǵy býllıngtіń, zorlyq-zombylyqtyń aldyn alý taqyryptarynda oblystyq semınar-keńes óttі. Semınar barysynda qatysýshylar bala quqyqtaryn qorǵaý, turmystyq zorlyq-zombylyqtyń, jasóspіrіmder arasyndaǵy býllıng pen kıberbýllıngtіń aldyn alýǵa baılanysty ózektі máselelerdі talqylady, — dep habarlady Aqtóbe oblystyq bіlіm basqarmasynyń baspasóz qyzmetі.