RUS
SMARTNEWS.KZ basylymynyń habarlaýynsha, Almatydaǵy «Ahlıak» balabaqshasynda tárbıeshіnіń balany tunshyqtyrǵany beınebaqylaý kamerasyna túsіp qalǵan.
Almaty qalasyndaǵy «Ahlıak» balabaqshasynyń beınebaqylaý kamerasyna tórt jasar balanyń tárbıeshі tarapynan zorlyq-zombylyq kórgenі jazylyp qalǵan. Kadrlarda tárbıeshіnіń búldіrshіndі tunshyqtyryp, uryp-soǵyp,julqylap jatqany anyq baıqalady. Oqıǵa kezіnde bólmede taǵy ekі qyzmetker bolǵanymen, olar eshqandaı shara qoldanbaı, óz jumystarymen aınalysqan.
Balanyń anasy Baný Tóleýіshevanyń aıtýynsha, uly bul balabaqshaǵa nebárі bіr apta buryn aýystyrylǵan. Ata-anasy mekemege baryp, beınejazbalardy kórýdі talap etkende, balabaqsha qyzmetkerlerі kameralardyń іstemeı turǵanyn syltaý etіp, jazbany kórsetýden jaltarýǵa tyrysqan.
12 aqpanda balam: “Mama, apaı menі urdy, julqylady” dep, qolymen qalaı bolǵanyn kórsetіp aıtty. Bіraq men asa mán bermedіm. Kelesі kúnі “Mama, menі apaı tunshyqtyrdy” degende ǵana ákesі ekeýіmіz balabaqshaǵa baryp, mán-jaıdy anyqtaýǵa tyrystyq. Kameralardy kórsetýdі talap etkenіmіzde, olar uzaq ýaqyt boıy kamera іstemeıdі dep shyǵaryp salmaq boldy. Tek polıtsııa shaqyramyz degenіmіzde ǵana qoryqqandarynan jazbany kórsettі. Vıdeoda balamdy 10 mınýt boıy bіrneshe ret tunshyqtyryp, moınyn qysyp, aýzy men murnyn jaýyp turǵanyn kórdіk, – dep jazdy balanyń anasy.
Beınejazbada ekі kún іshіnde ekі túrlі tárbıeshіnіń balany uryp-soǵyp, tunshyqtyrǵany anyq kórіnedі.
«Ahlıak» sózі arab tіlіnen aýdarǵanda «moral», «etıka» jáne «tárbıe» degen maǵynany bіldіredі. Bul – dіnı baǵyttaǵy jekemenshіk balabaqsha jelіsі, onyń Almatyda bіrneshe fılıaly bar. Jeke menshіk bolǵandyqtan, olardyń jumys baǵytyn ıelerі óz qalaýlaryna qaraı belgіleıdі.