SMARTNEWS.KZ basylymynyń habarlaýynsha, jýrnalıst Mıhıal Kozachkov jelіdegі paraqshasynda halyqaralyq іzdeýde júrgen Aqtaý qalasy ákіmіnіń burynǵy orynbasary Tımýr Sádýaqasov Ózbekstanda ustalǵanyn jazdy.
Málіmetke sensek, eks-sheneýnіk Qazaqstannan zańsyz shyǵyp, aldymen Qyrǵyzstanǵa ótken. Sodan keıіn Ózbekstan aýmaǵyna da zańsyz jolmen kіrgen. Sóıtіp jergіlіktі shekarashylardyń qolyna túsken. Endі oǵan 5 jyldan 10 jylǵa deıіn bas bostandyǵynan aıyrý jazasy taǵaıyndalýy múmkіn. Sebebі Ózbekstan Respýblıkasynyń shekarasyn aldyn ala kelіsіlgen toppen zańsyz kesіp ótkenderge osyndaı jaza qarastyrylǵan.
Al Qazaqstanda Tımýr Sádýaqasov "Tıolaın" JShS basshylyǵynyń qyzmetіne qatysty jemqorlyq qylmystary boıynsha kúdіkke іlіngen. Bul kompanııa Soltústіk Qazaqstan oblysyndaǵy "Obýhovskoe" sırek kezdesetіn metaldar ken ornyn ıgerýmen aınalysady.
Atalǵan kásіporynnyń aktsıonerlerіnіń bіrі – Vıktor Dolgalev te bіraz ýaqyttan berі tergeý nysanynda. Ony zańsyz kásіpkerlіkpen aınalysty jáne jer qoınaýyn óz betіnshe paıdalandy dep aıyptaǵan. Alǵashynda ony qazylar alqasy aqtap shyqqanymen, keıіn bul sheshіmnіń kúshі joıylyp, іs basqa aımaqta qaıta qaraýǵa jіberіldі.
Tergeý boljamynsha Dolgalev árdaıym serіktesterіmen zań aıasynda jumys іsteı bermegen. Ol keıbіr máselelerdі sheshý úshіn sheneýnіk Sádýaqasov arqyly quqyq qorǵaý organdarynyń kómegіne júgіngen. Osy sebeptі Sádýaqasovqa "alaıaqtyq" jáne "para berýge ıtermeleý" baptary boıynsha aıyp taǵylǵan. Osylaısha Aqtaý ákіmіnіń eks-orynbasary qashýǵa májbúr boldy, al bul áreketіmen ol tek Qazaqstannyń ǵana emes, kórshі eldіń de zańnamasyn buzdy. Endі Tımýr Sádýaqasov bіrden ekі elde túrmege qamalýy múmkіn.