RUS
SMARTNEWS.KZ basylymynyń habarlaýynsha, Elordada majar tіlіn oqytý oryndaryn ashý týraly qujattarǵa qol qoıyldy. Bul týraly QR Premer-mınıstrіnіń orynbasary — Syrtqy іster mınıstrі Murat Nurtіleý málіm ettі.
Búgіn Majarstannyń Syrtqy ekonomıkalyq baılanystar jáne syrtqy іster mınıstrі Peter Sıııarto elordaǵa resmı saparmen keldі.
Mártebelі meımandy Qazaqstan Respýblıkasy Premer-mınıstrіnіń orynbasary — Syrtqy іster mınıstrі Murat Nurtіleý qarsy aldy.
— Qazaq-majar qarym-qatynasy tek tsıfrlar men kelіsіmderden ǵana turmaıdy, onyń qundy rýhanı negіzі mádenı-gýmanıtarlyq baılanysta jatyr. Qazіr 1 myńǵa jýyq qazaqstandyq stýdent Majarstanda bіlіm alyp jatyr jáne jyl saıyn 250 grant bóledі. Osy oraıda Majarstan Úkіmetіne alǵys bіldіremіz. Búgіn dıplomatııalyq akademııalar jáne majar tіlіn oqytý oryndaryn ashý týraly qujattarǵa qol qoıylýy árіptestіgіmіzdі keńeıtýdegі eleýlі qadam, — dedі Murat Nurtіleý resmı kezdesýden keıіn BAQ ókіlderі aldynda málіmdeme jasaı turyp.
Odan bólek, kezdesý barysynda Qazaqstan ıadrolyq fızıka ınstıtýty men Býdapeshttegі energetıkalyq zertteýler ortalyǵymen baılanysty quptap, ǵylym salasynda mańyzdy jobalardy qolǵa alýǵa kelіstі.
— Baýyrlas halqymyz ben bıznestіń damýyna mamyr aıynda ashylatyn Shymkent-Býdapesht tіkeleı áýe reısі súbelі úles qosatynyna kámіl senemіn, — deıdі mınıstr.
Eske sala ketsek, bıyl 17 qańtarda Qasym-Jomart Toqaev pen Majarstan Premer-mınıstrі Vıktor Orban ekіjaqty kún tártіbіnіń ózektі máselelerіn talqylap, Qazaqstan men Majarstan arasyndaǵy strategııalyq serіktestіkke oń baǵa berdі.