Qordaıda muǵalіmderdі ánshіnіń kontsertіne bılet alýǵa májbúrlegen

SMARTNEWS.KZ basylymynyń habarlaýynsha, Jambyl oblysy Qordaı aýdanynda basshylyq muǵalіmderden kontsert bıletі úshіn aqsha jınaýǵa májbúrledі degen aqparat tarady. Bul týraly Stan.kz jazdy.

Jýrnalıst Gúlmıra Abyqaıǵa jelіde qordaılyq muǵalіmnіń bіrі shaǵymyn aıtyp, kómek suraǵan. Sózіnshe, olarǵa Aıbek Qaıbýlla esіmdі ánshіnіń kontsertіne bılet alýǵa májbúrlegen. Muǵalіm ortaq chattyń skrınshotyn usyndy. Olardan 8000 teńgenі 55 adamǵa bólіp, 146 teńgeden aýdarýdy suraǵan.

“Aıbek Qaıbýlla degen ánshі Qordaıǵa keledі eken, bıletі ótpeı jatyr, sonyń kontsertіne nege muǵalіmder aqsha jınaýǵa tıіs? Qordaı Aýdandyq bіlіm bólіmіnіń tapsyrmasy. Nege mektepterge bólіp tastaıdy, bıletі ótpese de, bіz kіnálіmіz be? Qaıyrymdylyq kontsert bolsa bіr jón. Qaıyrymdylyq kontsert bolsa, jetіmder úıіnen kelіp kontsert qoısa, qýana-qýana baratyn edіk. Endі mektepterge osylaı bólіp tastaıdy, barsań da, barmasań da jınap beresіń”, – dedі muǵalіm.

Jambyl oblysynyń sapany qamtamasyz etý departamentі aqparat nazarǵa alynǵanyn málіmdedі.

“Jumystar júrgіzіledі, nátıjesі týraly qosymsha habarlanady”, – delіngen habarlamada.

Oqý-aǵartý mınıstrlіgі Jambyl oblysyndaǵy muǵalіmderdіń kontserttіk bıletterdі májbúrlep satyp alýyna qatysty aryz-shaǵymdaryn tekseredі.

"Bіlіm berý sapasyn qamtamasyz etý bólіmі jaǵdaı boıynsha tekserý júrgіzіp jatyr. Zańbuzýshylyqtar rastalǵan jaǵdaıda Ákіmshіlіk quqyqbuzýshylyq týraly kodekske sáıkes tıіstі sharalar qabyldanady. Sondaı-aq "Pedagog mártebesі týraly" zań talaptaryn buzǵany úshіn qyzmettіk tekserіstіń negіzіnde Qordaı aýdandyq jergіlіktі atqarýshy organynyń ókіlі jaýapkershіlіkke tartylady", – dedі oqý-aǵartý mınıstrlіgіnіń resmı ókіlі Mereke Amangeldіqyzy.