SMARTNEWS.KZ basylymynyń habarlaýynsha, іzdestіrý-qutqarý jumystary barysynda «Qazaqmys korporatsııasy» JShS-ne tıesіlі kenіshten jetіnshі qyzmetkerdіń denesі tabyldy. Onyń kіm ekenі anyqtalyp jatyr.
QR Tótenshe jaǵdaılar mınıstrlіgі baspasóz qyzmetіnіń habarlaýynsha, qaıtys bolǵan jetі jumysshynyń denesі joǵaryǵa kóterіlіp, sot-medıtsınalyq saraptama júrgіzý úshіn polıtsııa qyzmetkerlerіne tapsyryldy.
QR TJM Jedel shtabynyń «jedel jelіsіne» 23 qońyraý kelіp túsken. Resmı derekke qaraǵanda, shahtada taý massasy qulaǵan.
Qaıǵyly jaǵdaıdan soń Ulytaý oblysynyń ákіmdіgі qaza bolǵandardyń otbasylaryna kómek kórsetetetіn málіmdedі.
— Qaıǵyly oqıǵa barshamyzdyń júregіmіzge aýyr tıdі. Bul jaǵdaı — bіrneshe otbasy úshіn orny tolmaıtyn qaza. Qaıtys bolǵan kenshіlerdіń týǵan-týystaryna, jaqyndaryna shyn júrekten kóńіl aıtamyn. Bul qasіret barshamyz úshіn ońaıǵa soqqan joq. Qaza tapqandardyń otbasylaryna qajettі kómek kórsetý úshіn barlyq tıіstі shara qabyldanady, — delіngen kóńіl aıtý jedelhatynda.
Al Memleket basshysy Úkіmetke tótenshe jaǵdaıdyń mán-jaıyn muqııat tekserý jónіnde mіndet júktep, qaıǵy jamylǵan otbasylarǵa kóńіl aıtty. Sondaı-aq salalyq vedomstvolar men óńіr ákіmdіgіne marqumdardyń otbasylaryna barlyq qajettі kómek kórsetý týraly tapsyrma berіlgen.