"Daryn" jastar syılyǵyna endі 35 jasqa deıіngі azamattar ótіnіsh bere alady
QR Úkіmetіnіń 2023 jylǵy 3 naýryzdaǵy qaýlysymen «Daryn» syılyǵyn berý jáne «Táýelsіzdіk urpaqtary» grantyn taǵaıyndaý erejelerіne ózgerіster engіzіldі, dep habarlaıdy smartnews.kz saıty.
«Halyqaralyq jáne respýblıkalyq konkýrstardyń, festıvaldar men kórmelerdіń laýreattary, respýblıkalyq jáne halyqaralyq deńgeıdegі sporttyq jarystardyń júldegerlerі men jeńіmpazdary, sondaı-aq ınnovatsııalyq baǵytta qyzmet atqaratyn jáne tutastaı qoǵamnyń damýyna yqpal etetіn 35 jastan aspaǵan QR azamattary syılyq alýǵa úmіtker bola alady», - delіngen qujatta.
Aıta keteıіk, buryn «Daryn» syılyǵy men «Táýelsіzdіk urpaqtary» granty 29 jastan aspaǵan qazaqstandyqtarǵa taǵaıyndalatyn.
Syılyqty ár nomınatsııa boıynsha eń kóp degende tek 2 úmіtkerge berýge ruqsat etіledі. Bul jaǵdaıda aqshalaı syıaqy olardyń arasynda teń bólіnedі. Syılyqty buryn alǵan azamat qaıta ótіnіsh bere almaıdy.
Eske salaıyq, byltyr 8 jeltoqsanda Senat 35 jasqa deıіngіlerdі «jastar» sanatyna engіzý týraly zań jobasyn maquldaǵan edі.