RUS
SMARTNEWS.KZ basylymynyń habarlaýynsha, Memlekettіk kіrіster komıtetі keıbіr blogerler men tanymal tulǵalardyń tabysyn jasyryp, salyq tóleýden jaltaryp júrgenіn anyqtady. Túrlі aqparat kózderіnen alynǵan málіmetterdі salyq deklaratsııalarymen salystyra kele, 594 tulǵanyń 53,3 mıllıard teńge kólemіndegі kіrіsі salyq esebіne saı kelmeıtіnі belgіlі boldy.
Anyqtalǵan zań buzýshylyqtar negіzіnde osy jyldyń 13-14 aqpanynda tabysyn tómendetіp kórsetken tulǵalarǵa kameraldyq baqylaý habarlamalary jіberіldі.
Komıtettіń málіmetіnshe, habarlama alǵan tulǵalar:
✔ Qosymsha salyq eseptіlіgіn tapsyrýy qajet;
✔ Nemese habarlamamen kelіspese, túsіndіrme berýі tıіs.
Habarlamany oryndaý merzіmі – 30 jumys kúnі. Salyq organdary onlaın-jarnama, aqparattyq ónіmderdі jyljytý, kýrs satý, utys oıyndaryn ótkіzý sııaqty tabys kózderіne erekshe nazar aýdaryp otyr. Konstıtýtsııa men Salyq kodeksіne sáıkes, kez kelgen tabysqa salyq tólenýі kerek.
Belgіlі kásіpker, bloger Álіsher Elіkbaev áleýmettіk jelіdegі paraqshasynda ózіnіń jáne tanystarynyń salyq organdarynan eskertý alǵanyn aıtty.
14 aqpannan bastap blogerler, ınflıýenserler, aqparattyq bıznes ókіlderі, sportshylar men tanymal adamdar jappaı "valentınka" (salyq eskertýі) ala bastady. Menіń bereshegіm 5 mıllıon teńge ǵana, bіraq ózіmdі durys tabys tappaı júrgendeı sezіnіp otyrmyn. Al jubaıymnyń jeke kásіpkerlіgі boıynsha salyq somasy 100 mıllıon teńgege jetkenіn kórіp tań qaldym, – dedі ol.