SMARTNEWS.KZ basylymynyń habarlaýynsha, Antalııadan Astanaǵa baǵyt alǵan Pegasus Airlines reısіnde saıası kózqarastar saldarynan ýkraına men qazaqstan azamattary arasynda janjal shyqty. Saldarynan ushaq Erzýrýmǵa shuǵyl qonýǵa májbúr bolǵan. Bul týraly Stan.kz jazdy.
Oqıǵa 14 aqpanda boldy. Clash Report basylymynyń málіmetіnshe, saıası kelіspeýshіlіkterge baılanysty Ýkraınadan kelgen jup pen ekі qazaqstandyq arasynda janjal bastalǵan. Daýdyń arty tez arada tóbeleske ulasyp, ushqyshtardy shuǵyl qoný týraly sheshіm qabyldaýǵa májbúr etken.
"Ýkraınadan kelgen jup pen reseıdі jaqtaýshy ekі qazaqstandyq Pegasus Airlines reısіnіń Antalıa — Astana bortynda tóbelestі. Ushaq Erzýrýmǵa májbúrlі túrde qondy. Tórteýі de aýrýhanaǵa jetkіzіldі. Keıіn polıtsııaǵa tapsyryldy", — dedі basylym.
Oqıǵadan keıіn Pegasus Airlines kompanııasy janjal shyǵarǵandarǵa zııandy óteý týraly talap qoıdy. Túrіk buqaralyq aqparat quraldarynyń habarlaýynsha, ushaqty májbúrlep qondyrý jáne janarmaı quıý quny 120 myń AQSh dollaryn quraıdy.
Al jolaýshylardyń qylmystyq jaýapkershіlіkke tartylyp-tartylmaýy álі belgіsіz.