RUS
Tamara Dúısenovanyń sózіnshe, respýblıkada 4,3 mln jumyspen qamtylǵan áıel bar. Bul jumyspen qamtylǵan halyqtyń jalpy sanynyń 48%-yna teń.
Áıelderdіń 35%-y saýda jáne qyzmet kórsetý salasynda, 32%-y bіlіm, densaýlyq saqtaý jáne ǵylym salasynda, 14%-y ónerkásіpte, qurylysta jáne kólіkte, 9%-dan astamy aýyl sharýashylyǵynda jumys іsteıdі.
"Óńіrlіk jumyspen qamtý kartalary aıasynda áıelderdі nátıjelі jumyspen qamtýǵa tartý boıynsha belsendі jumys júrgіzіldі. Máselen, 536 myń áıel adam jumysqa ornalastyryldy, bul barlyq jumysqa ornalastyrylǵan azamattardyń 55 -yna teń. Al bıyl jyldyń ekі aıynda bul kórsetkіsh 92 myńnan asty", – dedі Tamara Dúısenova.
Mınıstrdіń aıtýynsha, jas áıelderdіń memleket sýbsıdııalaıtyn jumys oryndaryna jumysqa ornalasý kezіnde belsendіlіgі joǵary. Byltyr 30 myńǵa jýyq qyzdar alǵash ret jumysqa ornalasty.
"Memlekettіk qoldaýdyń taǵy bіr mańyzdy sharasy - sodan keıіn jumysqa ornalasý nemese óz іsіn ashýǵa aparatyn oqytý, Ótken jyly 80 myńǵa jýyq áıel kásіpkerlіk negіzderі boıynsha kýrstardan óttі. Oqytý qorytyndysy boıynsha 13 myńǵa jýyq áıel grant aldy. Onyń 58% - y taýarlar men qyzmetterdі óndіrýge qajettі tehnologııalyq jabdyqtar men múkámmal satyp aldy, al 31% - y mal sharýashylyǵymen aınalysyp, mal satyp aldy", – dedі EHÁQM basshysy.
Áıelder bıznestі qurýdyń sáttі mysaldary retіnde Tamara Dúısenova kondıterlіk tseh ashqan Qyzylorda oblysy Shıelі aýdanynyń kópbalaly anasy Gúlzııa Muratbekqyzynyń jáne gıps pen rezeńkeden jasalǵan buıymdar shyǵarýmen aınalysqan Aqtóbe oblysynyń turǵyny Aqmanat Jolaýshybaevanyń jobalary týraly aıtyp berdі.
Sonymen qatar mınıstr byltyr zeınet jasyna deıіngі adamdar úshіn "Kúmіs jas" jobasy іske qosylǵanyn, onyń sheńberіnde 3 myńnan astam adam jumysqa ornalastyrylǵanyn, onyń 50%-y áıelder ekenіn atap óttі. Joba qatysýshylary ony sáttі dep sanaıdy. Máselen, Shyǵys Qazaqstan oblysynyń Shemonaıha qalasynan Tamara Strelnıkova kіshі medbıke retіnde jumys tapty, al Qaraǵandy oblysynyń Osakarovka aýylynan Tatıana Adamovıch kondıter boldy.