Syrdarııa ózenі arnasynan asyp, Qyzylordada jol ýaqytsha jabyldy

Qazіr Syrdarııa ózenіnen kóp mólsherde sý ótýіp jatyr. Sonyń saldarynan sý ózen arnasynan asyp Qarmaqshy aýdany, Qyzyltam eldіmekenі tusyndaǵy Daldabaı, Qyzyltam jolynyń sý basý qaýpі bar aýmaǵyna sý jaıylǵan.

«Jolaýshylardyń qaýіpsіzdіgі úshіn oblystyq mańyzy bar «Jalaǵash-Josaly» baǵytyndaǵy (Josalydan 43, Jalaǵashtan berі 31 shaqyrym jerdegі Daldabaı men Qyzyltam eldі mekenderіnіń arasy) jol ýaqytsha jabyldy. Eldіmekenderge eshqandaı qaýіp joq. Qazіr jaýapty salalarmen arnaıy jumystar júrgіzіlіp, jaǵdaı tolyq baqylaýǵa alynǵanyn habarlaımyz», - dep málіm ettі Qyzylorda oblysy ákіmdіgіnen.

Atalǵan jol respýblıkalyq mańyzy bar úlken kúre jol emes. Ol ekі aýdan ortalyǵyn jalǵastyrady.

Qyzyltam eldі mekenіne Qarmaqshy jáne Daldabaı eldі mekenіne Jalaǵash aýdany jaǵynan baratyn іshkі jol bar. Sol sebepten onyń úlken jol qatynasyna kedergі keltіrmeıdі.

Aıta ketý kerek, darııa betіndegі seń Qarmaqshy aýdany tusyna jettі.