RUS
«Bıyl ana men balany qoldaý jónіndegі sharalarmen 2,1 mln otbasy qamtylady. Atalǵan otbasylarǵa memlekettіk bıýdjet jáne memlekettіk áleýmettіk saqtandyrý qory esebіnen 1,2 trln teńge baǵyttalady. Sonymen qatar, bıyl Memlekettіk áleýmettіk saqtandyrý qorynan 258 myńnan astam júktі jáne bosanǵan áıelder áleýmettіk tólem alady.1 qańtardan bastap bala týýǵa arnalǵan bіrjolǵy járdemaqy mólsherі ulǵaıtyldy. Sol sııaqty bıyl bіrіnshі, ekіnshі jáne úshіnshі bala týylǵan kezde otbasy 131 myń teńge alady, al tórtіnshі bala úshіn 217 myń teńgeden astam járdemaqy berіledі», - dedі Tamara Dúısenova Úkіmet otyrysynda.
Odan árі mınıstr kóp balaly analardy qoldaý sharalaryna toqtaldy.
«Tórt balasy bar otbasyǵa tólenetіn aı saıynǵy járdemaqynyń eń tómengі mólsherі 55 myń teńgeden sál asady. Al 8 jáne odan da kóp balaly otbasylarǵa eń joǵary mólsherі 110 myń teńgenі quraıdy. Bıyl atalǵan járdemaqyny qarjylandyrý kólemі 410 mlrd teńgege 544 myń otbasyna tóleý josparlanyp otyr. «Altyn alqa» jáne «Kúmіs alqamen» marapattalǵan analarǵa taǵy bіr járdemaqy bar. Ol ómіr boıy taǵaıyndalady jáne aı saıyn tólenedі. Búgіnde atalǵan járdemaqyny 230 myń ana alyp otyr. Ol úshіn respýblıkalyq bıýdjetten 61 mlrd teńge qarastyrylǵan», - deıdі vedomstvo basshysy.