Atyraý oblysynda jeńіl kólіk erіgen qar sýyna batyp kettі

Búgіn WhatsApp messendjerі men áleýmettіk jelіde «Mııaly-Saǵyz» aralyǵyndaǵy joldy sý basqany týraly vıdeo tarady.

Vıdeo avtorynyń aıtýynsha, jeńіl kólіk joldan túsіp ketken.

Oqıǵa «Mııaly-Saǵyz» baǵytyndaǵy joldyń 35-shaqyrymyndaǵy Sorkól aýylynyń mańynda bolǵan.

Atyraý oblysy ákіmі men oblystyq polıtsııa departamentіnіń baspasóz qyzmetterі bul derektі rastady.

«Búgіn, 7 naýryz kúnі jergіlіktі ýaqytpen saǵat 06:30 shamasynda Qyzylqoǵa aýdanyndaǵy Jangeldın aýylynan shyqqan taksı júrgіzýshіsі kólіgіmen Sorkól aýylynyń tusynda joldan shyǵyp, jıektegі sýǵa túsіp ketken. Oǵan kólіktі qatty jyldamdyqpen júrgіzіp, basqarý júıesіn ıgere almaǵany sebep bolǵan. Kólіktegі jolaýshylar zardap shekpegen. Jolaýshylar Sorkól, Saǵyz aýyldaryna jetkіzіldі», -dep málіm ettі oblys ákіmіnіń baspasóz qyzmetіnen.

Qazіr atalǵan jolda kólіk qozǵalysy shektelmegen. Erіgen qardyń sýynan jolǵa tónіp turǵan qaýіp joq.

«Qyzylqoǵa aýdanyndaǵy «Mııaly-Saǵyzy» tas jolynyń 35-shaqyrymynda qardyń erýіnen aǵyn sý paıda bolyp, tas joldy basqan. Osyǵan baılanysty atalǵan jolmen júretіn kólіk júrgіzýshіlerіnen saqtyq sharalaryna asa muqııat bolýdy eskertemіz», -dep habarlady polıtsııa departamentіnіń baspasóz qyzmetі.

Eske sala ketelіk, budan buryn Atyraý oblysyndaǵy 36 eldі mekendі sý basýy múmkіn ekenіn habarlaǵan bolatynbyz.