Elіmіzdіń batysynda balalar jappaı qytaılyq soıa etі taıaqshasynan ýlanyp jatyr

SMARTNEWS.KZ basylymynyń habarlaýynsha, belgіlі bolǵandaı mektep oqýshylarynyń bіrі jergіlіktі dúkennen soıa etіnen jasalǵan «Lobster» dep atalatyn jeńіl taǵam satyp alyp, synyptastaryn tamaqtandyrǵan. Keıіn balalardyń bas aınalý, júrek aıný, álsіzdіk, keıbіreýlerіnіń kózіnen jas aǵyp, denelerіnde bórtpeler paıda bolǵanyna shaǵymdana bastaǵan. Bul týraly Orda.kz jazdy.

Balalar sol kúnі, ıaǵnı 18 aqpanda tamaqtan ýlaný dıagnozymen aýrýhanaǵa túsken. Onyń ústіne taıaqshalardy jegen balalar ǵana emes, olardyń qasynda júrgen synyptastary da ýlanǵan. Olar qytaılyq ónіmnіń ótkіr ıіsіnen ózderіn jaısyz sezіngen.

– Aýdandyq aýrýhanada qazіr toǵyz bala dárіgerlerdіń baqylaýynda. Olardyń jeteýі ónіmdі jedі, ekeýі jaqyn jerde, bіr synypta boldy. Jaǵdaıy turaqty. Balalardyń ómіrі men densaýlyǵyna qaýіp tónіp turǵan joq. Tárkіlengen ónіm saraptamaǵa jіberіldі, tergeý júrіp jatyr, - dep habarlady Aqtóbe oblysynyń densaýlyq saqtaý basqarmasynan.

Qalǵan mektep oqýshylarynyń jaǵdaıy jaqsarǵan soń úılerіne jіberіldі.

Al, oblystyq sanıtarlyq-epıdemıologııalyq qadaǵalaý departamentі dúkende rastaıtyn qujatsyz qytaılyq «Lobster» satylǵanyn atap óttі. Ónіmderde tehnıkalyq reglamentke sáıkes tańbalar bolmaǵan.

Oqıǵadan keıіn Aqtóbedegі dúkenderde qytaı taıaqshalarynyń bar-joǵy tekserіldі.

– Tekserіlgen 45 dúkennіń ekeýіnen bul ónіmder tabyldy. Ol zerthanalyq tekserýge jіberіldі. Sanıtarlyq-epıdemıologııalyq qyzmet qyzmetkerlerі de túsіndіrý jumystaryn júrgіzýde, deıdі Aqtóbe oblysy boıynsha sanıtarlyq-epıdemıologııalyq baqylaý departamentіnіń basshysy Raıhan Qoıshanova.