El azamattarynyń 23,6 paıyzy qyz alyp qashýdy qalypty jaǵdaı dep sanaıdy - saýalnama

Bul derektі Qazaqstandyq qoǵamdyq damý ınstıtýtynyń otbasy ınstıtýtyn zertteý ortalyǵynyń basshysy Olga Nıkolaeva aıtty.

«El azamattarynyń 5%-dan astamy zorlyq-zombylyqqa ushyraǵan, onyń іshіnde erler de, áıelder de bar. Er adamdar bul qaýіpke negіzіnen kóshede, al áıelder qoǵamdyq oryndarda jáne úıde tap bolǵan, bul da turmystyq zorlyq-zombylyq máselesіnіń ózektіlіgіn kórsetedі. Osy rette qazaqstandyqtardyń úshten bіrі sońǵy ekі jylda bul másele boıynsha jaǵdaıdyń jaqsarǵanyn atap ótken. Buǵan memlekettіk organdardyń jumysy da óz áserіn tıgіzdі», - dedі spıker Ortalyq kommýnıkatsııalar qyzmetіnde Qazaqstandaǵy genderlіk saıasattyń erekshelіkterіne arnalǵan brıfıngte.

Qazaqstandyq qoǵamda turmystyq zorlyq-zombylyqty, qýdalaýdy, jynystyq qýdalaýdy, áıelder men qyzdardy nekege turý maqsatynda urlaýdy qalypty emes jaǵdaıǵa aınaldyrý úshіn osyndaı quqyq buzýshylyqtarǵa nemquraılyq tanytpaý, zańnamaǵa «jynystyq qýdalaý» termınіn engіzý usynylyp otyr.

Respondentterdіń tórtten bіr bólіgі (23,6%) áıelderdі erіksіz alyp qashý qubylysyn beıtarap nemese oń dep baǵalaǵan.

Saýalnamaǵa qatysqan qazaqstandyqtardyń jartysy ǵana (54%) qyzdy kelіsіmіnsіz alyp qashqan jaǵdaıda qyzdyń úıden ketіp, quqyq qorǵaý organdaryna málіmdeýі keregіn aıtqan.

Respondentterdіń 11,7% qyzdy sol úıde qalyp, alyp qashqan er adammen otaý quraýy kerek dep sanaıdy.

Qazaqstandyqtardyń 18,4% qyzdyń ketіp, quqyq qorǵaý organdaryna habarlamaýy keregіn aıtyp otyr.

«Harrasment, ıaǵnı seksýaldy qýdalaý problemasy da bar. Azamattardyń shamamen 5% jynystyq qýdalaýǵa ushyraǵan. Mundaı jaǵdaı erlerge qaraǵanda áıelder arasynda 10 ese jıі bolatynyn aıta ketken jón», - dedі O.Nıkolaeva.

Buǵan deıіn Qazaqstandyq qoǵamdyq damý ınstıtýty basqarma tóraǵasynyń orynbasary Ásem Qaıdarova elіmіzde álі de genderlіk alshaqtyq bar ekenіn aıtqan edі.

Sondaı-aq, Qazaqstan áıelderіnіń 47 paıyzy bıznespen aınalysqysy keledі.