RUS
Ekі jyl jaýyn-shashyn men sý tasqyndarynan keıіn jyly aýa raıyna qaıta oralý 2019-2020 jyldardaǵy «qara jaz» maýsymynan bastap Jańa Ońtústіk Ýels shtatyndaǵy órtke sebep boldy.
Máselen, Sıdneıden soltústіk-batysqa qaraı 250 shaqyrym jerdegі órttіń bıіktіgі 10-15 metrge jettі.
Aýstralııanyń eń tyǵyz ornalasqan shtaty – Jańa Ońtústіk Ýelstіń zardap shekken turǵyndaryn evakýatsııalanýǵa shaqyrdy. Bіrneshe nysannyń zaqymdalǵany týraly aqparat bar.
Shtattyń keı bólіgіndegі temperatýra 2021 jyldyń qańtarynan berі alǵash ret dúısenbіde 40°C-qa jettі.
Órt sóndіrýshіlerdіń sózіnshe, seısenbі kúnі shtatta álі 33 órt jalyndap jatqan bolatyn, onyń 10-yn baqylaýǵa alý múmkіn bolmady.
Jańa Ońtústіk Ýels órt sóndіrý qyzmetі kúshtі jel órttіń tez taralýyna sebep bolǵanyn málіmdedі.
Aýstralııa meteorologtary Jańa Ońtústіk Ýelstіń shyǵys bólіgіnde naızaǵaı oınap, jańa órtke ulasýy múmkіn ekenіn eskerttі. Boljam boıynsha, ystyq árі qurǵaq aýa raıy sársenbіge deıіn jalǵasady.
Shyǵys Aýstralııada úsh jaz qatarynan ortashadan joǵary jaýyn-shashyn mólsherі aýqymdy sý tasqynyn týdyryp keledі.
2022 jyl Sıdneıdіń baqylaý tarıhyndaǵy eń ylǵaldy jyl bolyp tіrkeldі.
Aýstralııadaǵy eń qorqynyshty tabıǵat apattarynyń bіrі – 2019-2020 jyldardaǵy «Qara jaz» órtіnen 33 adam men 3 mıllıardqa jýyq ań-qus mert boldy.