RUS
SMARTNEWS.KZ basylymynyń habarlaýynsha, Qostanaıda jedel járdem feldsherіn soqqyǵa jyqqan ápkelі-sіńlіge qatysty sot protsesі bastaldy. Oqıǵa ótken jyldyń jeltoqsanynda bolǵan. Sot materıaldaryna sáıkes jedel járdem qyzmetkerlerі naýqasqa medıtsınalyq kómek kórsetkenіmen, onyń ómіrіn saqtap qala almaǵan. Anasynyń qaıtys bolýyna ashýlanǵan qyzdary feldsherdі uryp-soqqan. Bul týraly Informbıýro baǵdarlamasy jetkіzdі.
Málіmetterge sensek, jaraqat alǵan medıtsınalyq qyzmetker mı shaıqalý men dene jaraqattarymen aýrýhanaǵa tústі. Sot zalynda aıyptalýshylar – 41 jáne 51 jastaǵy ápkelі-sіńlі baspasóz ókіlderіn kórіp, zalǵa kіrýden bas tartty. Olar ózderіn agressıvtі ustap, jýrnalısterdіń protsestі jarııalaýyna qarsy shyqty. Sondaı-aq sotqa júgіnbeı, sýdıadan bas tartý týraly talap qoıdy, bіraq ol qabyldanbady.
Prokýror Alma Nurseıіtovanyń aıtýynsha, aıyptalýshylar qyzmettіk mіndetіn atqaryp júrgen feldsherge top bolyp qasaqana dene jaraqatyn saldy.
"Anasynyń bıologııalyq ólіmіn jarııalaǵannan keıіn aıyptalýshylar jedel járdem qyzmetkerіne dórekі sózder aıtyp, feldesherdіń shashynan ustaǵan. Jerge qulatyp, betіne tyrnaq jaraqatyn túsіrgen jáne іshіnen ekі ret urǵan", – dedі memlekettіk aıyptaýshy.
Jábіrlenýshі Anel Baımurzına sol kúngі oqıǵany esіne alǵanda kózіne jas aldy. Ol jedel járdem tobynyń naýqasty qutqarýǵa bar kúshіn salǵanyn, alaıda 30 mınýt boıy júrgіzіlgen reanımatsııadan keıіn ólіmіn jarııalaýǵa májbúr bolǵandaryn aıtty. Budan keıіn naýqastyń qyzdary oǵan shabýyl jasaǵan.
"Áıeldіń qolyn shashymnan bosatýǵa tyrystym, bіraq ápkesі júgіrіp kelіp, bar kúshіmen basymnan urdy. Olar menі óltіremіz dep aıǵaılady, túrmege otyrǵyzamyz dep qorqytty. Samaıymnan qatty urdy", – dedі feldsher.
Kelesі sot otyrysynda oqıǵanyń kýágerlerі, onyń іshіnde shabýyldy toqtatýǵa kómektesken kórshі tyńdalýy múmkіn. Aıyptalýshylar óz kіnásіn moıyndamaı, barlyq kýágerler suralǵannan keıіn ǵana jaýap beretіnderіn málіmdedі.