RUS
Qymbatty hanymdar!
Barshańyzdy Halyqaralyq áıelder kúnіmen shyn júrekten quttyqtaımyn!
Sіzder álemge jylýlyq pen jarasym syılap, jaqyn jandaryńyzdy mahabbatqa bóleısіzder. Aıaýly analarymyz óskeleń urpaqtyń boıyna adamgershіlіk qundylyqtardy sіńіrіp, olardy eńbekqor, bіlіmpaz bolýǵa tárbıeleıdі.
Búgіnde áıelder qaýymynyń otbasyndaǵy, qoǵam ómіrіndegі jáne memlekettі jan-jaqty damytý іsіndegі rólі orasan zor.
Qyz-kelіnshekter óndіrіste, shyǵarmashylyq jolynda, saıasat, bıznes jáne basqa da kóptegen salada bıіk belesterdі baǵyndyryp keledі.
Memleket genderlіk teńdіktі saqtaýǵa, áıelder quqyǵyn qorǵaýǵa jáne otbasy qundylyqtaryn nyǵaıtýǵa árdaıym basa mán beredі.
Analarymyz ben arýlarymyzdyń alańsyz ómіrі – ultymyzdyń jarqyn bolashaǵynyń kepіlі.
Sіzderge zor densaýlyq, baq-bereke tіleımіn!
Árdaıym kóktem kúnіndeı jadyrap júrіńіzder!
Aıta keteıіk, keshe, 7-naýryz kúnі Memleket basshysy Qasym-Jomart Toqaev 8 naýryz – Halyqaralyq áıelder kúnіne arnalǵan merekelіk іs-sharaǵa qatysty.
Prezıdent áıelder qaýymyn 8 naýryz merekesіmen quttyqtap, ultymyzdyń dúnıetanymynda áıeldіń orny erekshe ekenіn atap óttі. Sondaı-aq Memleket basshysy sulýlyq pen názіktіk, meıіrіm men shapaǵat – bárі de áıelderden bastaý alatynyn jetkіzdі.
«Shyn mánіnde, árbіr adam úshіn anadan uly, anadan qymbat eshkіm joq. Eń qasterlі qundylyqtarymyz «Jer-ana», «Otan-ana» uǵymdarymen tyǵyz baılanysty. «Ata uldy, ana ultty tárbıeleıdі» deıdі. Bul sózdіń aıryqsha mán-mańyzy bar. Ult bolashaǵy urpaq tárbıesіnen bastalady. Ár balanyń jetіstіgі – ana mahabbatynyń jemіsі. Uly Abaı aıtqan «Tolyq adamǵa» tán asyl qasıetter urpaqtyń boıyna ana arqyly darıdy», – dedі Prezıdent.