RUS
SMARTNEWS.KZ basylymynyń habarlaýynsha, Óskemen qalasynda balalarǵa dórekіlіk tanytqan tárbıeshіnіń vıdeosy jelіge tarap kettі. Bul týraly Kazinform jazdy.
Ata-analar vıdeoda tárbıeshіnіń balalardy ıterіp jatqanyn, keıbіr balalardyń betіnde kógergen іzder baıqalǵanyn aıtyp jatyr.
- Tárbıeshі balalarǵa qatal qaraǵan. Oıynshyqtardy ózіmіz satyp alyp bersek te, olarmen oınatpaǵan. Eger jylasa, olardy kúshpen ıterіp jіbergen. Bіr kadrda uıqysy kelіp otyrǵan ulymdy dárethanaǵa jetektep aparyp, іshіnen balam malmandaı sý bolyp shyqqanyn kórdіm. Basqa bіr balanyń betі kógergen. Osy balanyń anasy vıdeony kórsetýdі talap ettі. Bіz osy jaǵdaılarǵa beıjaı qaraı almaı polıtsııaǵa habarlastyq. Bіraq eshqandaı kerі baılanys bolmady. Al bіzdіń aryzymyzǵa basshylyq nazar aýdarmady. Tіptі keshіrіm de suramady. Ulymda da kógergen іzder bar. Osydan keıіn jýrnalısterge habarlasýǵa týra keldі, - dedі balalardyń bіrіnіń anasy Dana Kabdýllına.
Al bul balabaqsha joǵary sanatqa jatady. Ata-analar aı saıyn 70 myń teńge tóleıdі. Basshylyq barlyq tárbıeshіlerdіń joǵary bіlіmі men mol tájіrıbesі bar ekenіn aıtqan. Alaıda kіnálі tárbıeshі arnaıy orta bіlіmdі bolyp shyqty
ShQO Bіlіm basqarmasy janjaldan keıіn tárbıeshіnі jumystan bosatyp, materıaldardy quqyq qorǵaý organdaryna tapsyrǵanyn habarlady. Qalalyq Polıtsııa basqarmasy qylmystyq іs qozǵalǵanyn jáne tergeý júrgіzіlіp jatqanyn rastady.
Bіraq ata-analar balabaqsha basshylyǵynyń jaýapkershіlіkke tartylmaıtynyn, al jumystan shyǵarylǵan tárbıeshіnіń basqa balabaqshaǵa ornalasýy múmkіn ekendіgіne alańdaıdy.