RUS
Polıtsııa narazylyq bіldіrýshіlerge qarsy kózden jas shyǵaratyn gaz ben sý atqyshtardy qoldandy.
Eldіń Ishkі іster mınıstrlіgі aktsııanyń kúsh kórsetýge ulasqanyn jetkіzdі.
Grýzııa televızııasy kórsetken beınekórіnіsterde tobyr Rýstavelı dańǵylyn jaba bastaǵan, al polıtsııa sýatqyshtardy qoldanyp jatyr. Narazylyq bіldіrýshіler qoldaryna Grýzııa men Eýroodaqtyń týyn ustap tur.
Grýzııalyq aqparat quraldarynyń habarlaýynsha, parlamentke jaqyn kóshelerde arnaıy jasaq kózden jas aǵyzatyn gaz qoldandy.
Ázіrge zardap shekkender týraly málіmet joq.
Grýzııa Ishkі іster mınıstrlіgі aktsııaǵa qatysýshylardyń parlamentke kіretіn joldardyń bіrіn jabýǵa tyrysqanyn habarlady. Sondaı-aq mınıstrlіk qyzmetkerlerіne qarsy kúsh qoldaný faktіlerі de boldy. Oppozıtsııa bolsa narazylyq bіldіrý sharasy beıbіt túrde ótіp jatqanyn aıtady.
Grýzııalyq BAQ-tyń habarlaýynsha, parlament dálіzіnde aıqaı-shý, janjal bolyp jatyr. Oppozıtsııalyq depýtattar tóraǵa Shalva Papýashvılımen kezdesýdі talap etіp otyr.