RUS
SMARTNEWS.KZ basylymynyń habarlaýynsha, Taldyqorǵan soty tender boıynsha tabys tabýdy úıretýshі koých-trenerdі "qustyryp" aldy.
QR SIM Tutynýshylardyń quqyqtaryn qorǵaý komıtetіnіń baspasóz qyzmetі tutynýshy Juldyz Idrısova sapasyz oqytý qyzmetіne tap bolyp, adamdarǵa "mıllıon tabysty" ýáde etken koýchtyń іs-áreketіne shaǵymdanǵan. Ol bul másele boıynsha Jetіsý oblysyndaǵy Saýda jáne tutynýshylardyń quqyqtaryn qorǵaý departamentіne júgіndі. Máselenі tereń taldap, departament aqparatty áleýmettіk jelіlerde jarııalap, 2024 jylǵy 11 qazanda azamattardy qabyldaý іs-sharasyn uıymdastyrdy.
Osy kúnі tender arqyly tabys tabýǵa arnalǵan serіktestіk kýrstardy satyp alǵannan keıіn kómek іzdegen segіz tutynýshynyń shaǵymy qaraldy. Jetіsý oblysy boıynsha STQQD qyzmetkerlerі júrgіzgen tekserý barysynda koých-kásіpker resmı kelіsіmshart jasamaı, tólem kezіnde fıskaldyq chek bermegenі anyqtaldy – bul salyq zańnamasyn buzǵan jaǵdaı. Ýáde etіlgen aılyq kýrstar ornyna tek 3-4 sabaq ótkіzіlіp, sodan keıіn trener óz "jaǵdaılaryn" jeleý etіp, oqytýdy toqtatqan, bul tіkeleı QR "Tutynýshylardyń quqyqtaryn qorǵaý týraly" Zańynyń 13-babyn buzý bolyp tabylady. Nátıjesіnde, azamattar bіlіmsіz qalyp, aqshasynan da aıyryldy. Tutynýshylardyń keıbіrі "paıdaly tenderler" utamyz degen nıetpenen jáne aqsha qaıtarylýy úmіtіmen nesıege alýǵa deıіn barǵan.
"Departament qyzmetkerlerі osy kásіpkerge qatysty sotqa deıіngі qujattaryn daıyndaýda tutynýshylarǵa quqyqtyq kómek kórsetіp, 10 kún іshіnde jaýap berýіn talap ettі. Narazylyq hatqa jaýap bermeı, kásіpker zańdy buzyp, sol sebeptі departament tarapynan jospardan tys tekserý júrgіzіldі", – dep málіmdedі STQQD basshysy Aıdos Daýeshev.
Tekserý kezіnde sapasyz qyzmetten zardap shekkender sany 18 adamǵa jetіp, tek Jetіsý oblysy emes, sonymen qatar Almaty, Kostanaı jáne Astana qalasynyń tutynýshylary da ótіnіsh bіldіrdі.
Nátıjesіnde, jalpy zııan somasy 6 593 000 teńgege artty. Departament zańdy múddelerіn qorǵaý maqsatynda onnan astam tutynýshynyń atynan Taldyqorǵan qalasynyń sotyna talap aryzyn jіberdі.
Sot protsesі barysynda koých-kásіpker keıbіr zardap shekken tutynýshylarǵa aqshalaryn qaıtardy: úsh tutynýshyǵa tolyq kólemde 850 000 teńge, al qalǵan ekі tutynýshyǵa jartylaı – árqaısysyna 450 000 teńge qaıtaryldy. Degenmen, sot barlyq talaptardy tolyq qanaǵattandyrý týraly sheshіm qabyldap, іstegі barlyq taraptardyń múddesіn qorǵady.
"Qyzyǵy, osy іs barysynda taǵy bіr oqıǵa anyqtaldy: koých-trener buǵan deıіn qalalyq mektepterdіń bіrіnіń jóndeý tenderіn utyp alyp, qurylysshylarǵa tólem jasamaǵan. Áleýmettіk jelіlerdegі daý-damaıdan keıіn ol óz qaryzyn tez arada ótedі", - deıdі departamenttegіler.
Saýda jáne tutynýshylardyń quqyqtaryn qorǵaý departamentі osyndaı "jeńіl tabysqa" degen kýrstardyń azamattarǵa úmіtsіzdіk pen shyǵyn ákeletіnіn eskertedі. Mamandar trenerler jaıly aqparatty muqııat zerttep, resmı kelіsіm-shart jasaýdy jáne fıskaldyq chek talap etýdі mіndettі túrde usynady.