RUS
Qalanyń qaq ortasynda 14 jastaǵy qyzdyń artynan erіp, jedelsatyǵa іlese bіrge kіrgen azamattyń ár áreketі beınejazbada taspalanǵan. Qarsylyq kórsetken jetkіnshektі syrtqa shyǵarmaı, qysym kórsetken jіgіt keıіnnen anyqtalǵandaı, 23 jastaǵy turǵyn bolyp shyǵypty. Onyń ústіne, aram oıdyń arbaýynda qalǵan azamattyń otbasyly ekenі anyqtalǵan. Sot oǵan úsh táýlіkke qamaýǵa alý týraly úkіm shyǵardy. Qaraǵandylyq oqýshynyń anasy bul úkіmmen kelіspeıdі, dep habarlaıdy Almaty.tv.
"Úıge shaqyrdym. Oıymda aram oı boldy, ony moıyndaımyn. Istep turǵan nársemnіń bárіn moıyndap turmyn", – dedі kúdіktі.
Kúdіktі kіnásіn tolyq moıyndaǵanymen, atalǵan іs zorlyq-zombylyq faktіsі dep tanylmaıdy. Sondyqtan, sot sheshіmі qarapaıym. Al oqýshynyń anasy atalǵan úkіmmen kelіspeıtіnіn aıtyp, jazany qatańdatýdy surap otyr.
"K esіmdі azamat sot sheshіmіne sáıkes, adamdy qorlap, tıіskenі úshіn kіnálі dep tanyldy. Ony ákіmshіlіk jazalaý maqsatynda 3 táýlіk qamaý týraly sheshіm bar. Ázіrge sot qaýlysy zańdy kúshіne engen joq", – dedі Mamandandyrylǵan aýdanaralyq sotynyń tóraǵasy Alekseı An.
"Bul jaǵdaı qyzymnyń psıhologııasyna qatty áser ettі. Qazіr er adam kórse, qorqatyn bolǵan. Men sottyń sheshіmіmen kelіspeımіn. Mundaı jaǵdaıǵa qalaı ǵana 3 kúndіk qamaý týraly sheshіm shyǵarýǵa bolady?" – dedі jábіrlenýshіnіń anasy Almıra Ábdіkárіmova.
Ádіldіk іzdep sharq urǵan ana álі de aryz jazatynyn aıtty. Qazіr qyzdyń otbasy basqa úıge kóshken.