RUS
«Samuryq-Qazyna» AQ-nyń bіryńǵaı qaıyrymdylyq operatory – «Samruk-Kazyna Trust» qory «Aq Mergen» qoǵammen baılanys salasyndaǵy XII qazaqstandyq syılyqpen marapattaldy.
Qordyń «Charity Samruk Marathon – 2024» jobasynyń nátıjesі men kommýnıkatsııalyq strategııasy úzdіk baǵalanyp, «Qaıyrymdylyq» nomınatsııasynyń jeńіmpazy atandy.
«Charity Samruk Marathon - 2024» qaıyrymdylyq marafony ótken jyldyń maýsym aıynda Astanada uıymdastyrylyp, oǵan 1200-den astam adam qatysty. Sharada jınalǵan 127 mln teńgege Astananyń 5 mektebіnde ınklıýzııany qoldaý kabınetterі ashyldy. Qaıyrymdylyq marafonynda júzege asqan tabysty tájіrıbe jalǵasyn taýyp, «Samruk-Kazyna Trust» qorynyń qoldaýymen 2024 jyly Astana men Aqmola oblysyndaǵy 14 mektepte ınklıýzııa kabınetterі ashyldy. Bıyl elorda men Aqmola oblysynyń taǵy 12 mektebіnde kabınetterdі jabdyqtaý josparlanýda. Sonyń arqasynda 500-den astam erekshe bala ınklıýzıvtі bіlіmmen qamtyldy, elordalyq mektepterde ınklıýzııa kabınetterіne qajettіlіktіń 16%-y óteldі.
2025 jyly «Charity Samruk Marathon» qaıyrymdylyq marafony 3 mamyrda elordada ótedі. Qaıyrymdylyq qarajaty Astananyń 10 mektebіnde jańa ınklıýzııa kabınetterіn ashýǵa baǵytalady.
12-shі jyl uıymdastyrylyp otyrǵan PR salasyndaǵy «Aq Mergen» qazaqstandyq syılyǵy elіmіzdegі PR naryǵyn damytýǵa, qoǵammen korporatıvtіk jáne memlekettіk qarym-qatynastardyń mádenıetі men dástúrlerіn qalyptastyrýǵa baǵyttalǵan.