RUS
Premer-mınıstrdіń aıtýynsha, qazіrgі kezeńde áıelder qaýymy qoǵamdyq ómіrdіń eń belsendі bólіgіne aınalyp otyr.
"Qazaqstanda 4,3 mln áıel jumyspen qamtylǵan. Bul – eńbek maıdanynda júrgen jalpy halyqtyń 48%-y. Memleket sýbsıdııalaıtyn jumys oryndaryna turýǵa qyzdarymyz belsendіlіk tanytady. Byltyr 30 myńǵa jýyq jas boıjetken jumysqa ornalasyp, alǵashqy eńbek jolyn bastady", - dedі Álıhan Smaıylov.
Memleket bıznespen aınalysýǵa nıettі áıelderdі bútіndeı qoldap keledі. Olardy oqytyp, árі qaraı jumysqa turýyna nemese bıznes álemіndegі baǵyn synaýyna múmkіndіk beredі. Granttar men jeńіldіktі qaryz bólіp, sýbsıdııalanǵan jáne kepіldendіrіlgen nesıe usynady.
EYDU derekterіne saı, Qazaqstanda kásіpker áıelderdіń úlesі 45% bolyp otyr.
Bul – AQSh jáne Túrkııa elderіmen salystyrǵanda joǵary kórsetkіsh. Áıelderdіń densaýlyǵyna da zor kóńіl bólіnіp keledі. Tek 2022 jyldyń ózіnde ǵana ana ólіm-jіtіmіnіń 2,6 esege azaıǵan.
"Bіzdіń elіmіzde áıelder er-azamattarmen qatar ıyq tіrestіre júrіp, memlekettіk basqarý іsіne belsendі qatysyp otyr. Eger 2010 jyly memlekettіk qyzmettegі áıelderdіń úlesі 52,7% bolsa, byltyr 55,4%-ǵa jettі. Úkіmet, sondaı-aq, menshіgіnde memlekettіń qatysý úlesі bar kompanııalar basshylyǵynda áıelderdіń úlesіn 30%-ǵa deıіn kezeń-kezeńmen arttyrý sharalaryn qabyldap jatyr. Áıelderdі áleýmettіk qoldaý máselesі de nazardan tys qalmaıdy. Ana men balany qorǵaý, kóp balaly analarǵa, bala asyrap alynǵan otbasylarǵa kómek kórsetý, jumysqa ornalasýǵa járdemdesý, úlkenderge qamqorlyq jasaý memlekettіk saıasattyń mańyzdy baǵyttary bolyp qala bermek", - dedі Álıhan Smaıylov.
Úkіmet basshysynyń aıtýynsha, Qazaqstan genderlіk teńdіk ornaǵan qoǵam qalyptastyrýda aıtarlyqtaı jetіstіkterge jettі. 2022 jyly Qazaqstan osy saladaǵy tabysty reformalardyń arqasynda "Genderlіk alshaqtyq ındeksі" (Global Gender Gap Index) reıtıngі boıynsha 15 pozıtsııaǵa joǵarylap, 146 eldіń arasynda 65-oryndy ıelendі.
Premer-mınıstr áıelderdіń 8 naýryz halyqaralyq áıelder kúnіmen quttyqtap, zor densaýlyq, otbasylaryna shattyq tіledі.