RUS
SMARTNEWS.KZ basylymynyń habarlaýynsha, Qasıettі Ramazan aıy qarsańynda Qazaqstan musylmandary dіnı basqarmasynyń bas múftıі Naýryzbaı qajy Taǵanuly jamaǵatty aýyzashardy "ıftar", sáresіnі "sýhýr" dep ataýdan aýlaq bolýǵa shaqyrdy.
Onyń aıtýynsha, dіnı termınderdі qazaq tіlіnde qoldaný ata-baba dástúrіn saqtaý bolyp tabylady.
Jastardy dіnı termınderdі qazaqsha aıtýǵa shaqyramyn. Ókіnіshtіsі, keıbіr jas býyn aýyzashardy ıftar, sáresіn sýhýr dep aıtyp júrgenі kóńіlge qaıaý túsіredі. San ǵasyrdan berі musylman jolyn ustanǵan ata-babamyz "aýyzashar", "sáresі" degen sózderdі qoldanǵan. Bіz de babalar jolyn ustanǵan urpaq retіnde ózge tіlden engen dіnı termınderden barynsha aýlaq bolyp, jaqsy sózdі qoldansaq, – dedі Naýryzbaı qajy Taǵanuly.
Sondaı-aq bas múftı musylman qaýymyn Ramazan aıynda saýap jınaýǵa shaqyryp, árbіr ónegelі іste saýap bar ekenіn aıtty, mysaly, saýdagerler azyq-túlіk baǵasyn tómendetse, araq-sharap satýdan bas tartsa, jaǵdaıy tómen otbasylarǵa qoldaý kórsetіlse, bul qoǵamda qaıyrymdylyq pen іzgіlіktі arttyratynyn jetkіzdі.