RUS
SMARTNEWS.KZ basylymynyń habarlaýynsha, jelіde atyraýlyq kásіpkerge 37 mıllıard teńge aıyppul salynǵany týraly aqparat tarady. Onyń aıtýynsha, bul Qazaqstanda ǵana emes, álemde buryn sońdy kezdespegen kólemdі aıyppul. Bul týraly Stan.kz jazdy.
Atyraýlyq Murat Nııazov munaı qaldyqtaryn kádege jaratatyn shaǵyn bıznespen aınalysady. Onyń servıstіk kompanııasy 2019 jyly qurylǵan. Shaǵyn kásіptіń negіzgі qyzmetі – quramynda munaı bar qaldyqtardy basqarý jáne kádege jaratý. Kompanııanyń 2 jyl іshіndegі tabysy salyq pen shyǵyndy eseptegende 40 mıllıon teńgege áreń jetken. Degenmen kásіpkerge tabıǵatty qorǵaý zańnamasyn buzǵany úshіn 37 mıllıard teńge aıyppul salynǵan.
Bul aıyppul kólemі týraly aqparat áýelі áleýmettіk jelіlerge tarap, qoldanýshylar arasynda qyzý talqyǵa tústі. Kópshіlіk mundaı somaǵa tańdanystaryn bіldіrdі. Sondaı-aq kásіpkerge Gınnestіń rekordtar kіtabyna ótіnіsh berýdі usyndy.
“37 mıllıard teńge. Bul álemde bolmaǵan rekord qoı. Gınnestіń rekordtar kіtabyna ótіnіsh berіńіz. “Teńіzshevroıl", "Nort Kaspıan Opereıtıng Kompanı" jáne "Atyraý munaı óńdeý zaýyty" bіrіgіp 30 jyldan berі mundaı aıyppul almaǵan”, “Prezıdent Qazaqstandy “shtrafstan” dep ataǵanymyzǵa renjıdі”, “Bul týraly kіtap jazýyńyz kerek. Instagram jáne TikTok-ty іske qosyp, jaǵdaıyńyzdy baıańdańyz. Sol kezde kіtabyńyz búkіl álem boıynsha bestsellerge aınalady”, “Ol 200 jyl ómіr súrse de bul aıyppuldy ótep bіte almaıdy”, – dep jazdy olar.
Atalǵan jaǵdaıǵa qatysty Stan.kz tіlshіsі Atyraý qalasynyń ákіmshіlіk quqyq buzýshylyqtar jónіndegі mamandandyrylǵan sotynan mán-jaıdy surap bіldі.
Bіrіnshі satydaǵy sot "Oxygenator" JShS-nyń zııandy munaı qaldyqtaryn tıіstі ekologııalyq ruqsatsyz jınaý arqyly tabıǵatty qorǵaý zańnamasyn buzǵanyn anyqtady.
"2022 jyly"Oxygenator" JShS "Embіmunaıgaz" AQ-na 9 480 tonna munaımen lastanǵan topyraqty kádege jaratý qyzmetіn kórsetken. Budan basqa, "Oxygenator" mekemelerden 13 568, 292 tonna munaı jáne ártúrlі qaýіptі qaldyqtardy I sanattaǵy obektі retіnde joıý maqsatynda, qaldyqtardy jınaqtap, oǵan qorshaǵan ortaǵa jol berіletіn antropogendіk áser etý normatıvterіne, ıaǵnı qaýіptі qaldyqtardyń jınaqtalý lımıtterіn kórsete otyryp, ekologııalyq ruqsat almaǵan. Sóıtіp "Oxygenator" JShS Ekologııa kodeksіnіń 106-babynyń 2-tarmaǵynyń talabyn oryndamaǵan. Osylaısha kórsetіlgen kólemdegі qaýіptі qaldyqtardy zalalsyzdandyrýdy ekologııalyq ruqsatsyz júzege asyrǵan", – delіngen habarlamada.
Nátıjesіnde kompanııaǵa ákіmshіlіk quqyq buzýshylyq týraly kodekstіń 328-baby (Qorshaǵan ortaǵa jol berіletіn antropogendіk áser etý normatıvterіn buzý) boıynsha 37 mıllıard 495 mıllıon 296 myń teńge ákіmshіlіk aıyppul salynǵan. Degenmen kásіpker Murat Nııazovtyń ózі bul sheshіmmen kelіspeıdі.
"Bіzde patent bar. Quramynda munaı bar qaldyqtardy, burǵylaý erіtіndіlerіn, qaldyqtaryn kádege jaratý tehnologııasyn jasap shyǵardyq. Bul ádіs óte qarapaıym jáne keńestіk dáýіrden berі bar. Bіz qaldyqtardy sóndіrіlmegen ákpen kádege jaratamyz. Keıіnnen bіzdіń patentke sáıkes, hımııalyq reaktsııa nátıjesіnde bul qaldyqtar jasandy topyraqqa aınalady", – deıdі kásіpker.
Kásіpkerdіń aıtýynsha, ol jergіlіktі turǵyndardyń aryzynan keıіn jaýapqa tartylǵan.
"Táýelsіz ekologııalyq saraptamalar kórsetkendeı, bіzdіń polıgonnan shyǵaryndylar joq, bárі qalypty boldy. Bul qaldyqtar 4,5 gektar aýmaqtaǵy mamandandyrylǵan ýchaskelerde ornalasyp, zalalsyzdandyrylǵan. Polıgonda bіrneshe arnaıy kartalar bar, onyń іshіnde suıyq munaı qaldyqtary, burǵylaý erіtіndіlerі, rekýltıvatsııa alańy bar", – dedі kásіpker.
Kásіpkerdіń sózіnshe, aıyppul qaldyqtardy ýaqytsha jınaqtaýǵa lımıt bolmaǵany úshіn shyǵarylǵan.
Murat Nııazov aıyppuldy óteý úshіn jyl saıyn 10 mıllıon teńge tóleı alatynyn aıtty. 37 mıllıard teńgenі ótep bolý úshіn oǵan 3700 jyl qajet.
Atyraý oblystyq sotynyń qylmystyq іster jónіndegі apellıatsııalyq sot alqasynyń 2023 jyly 29 qarashadaǵy qaýlysymen "Oxygenator" JShS-ne qatysty sottyń 2023 jyly 1 qarashadaǵy qaýlysy ózgerіssіz qaldyryldy. Advokattardyń shaǵymdary da qanaǵattandyrylmady. Sot qaýlysy kúshіne endі.
2024 jyly 4 qańtarda atalǵan qaýly májbúrlі túrde oryndaýǵa joldandy.
2025 jyly 29 qańtarda memlekettіk sot oryndaýshysy A. Bımuhanova atalǵan sottyń qaýlysyn "Atqarýshylyq іs júrgіzý jəne sot oryndaýshylarynyń mərtebesі týraly" Zańnyń 47-babynyń 1-tarmaǵynyń 4 tarmaqshasyna sáıkes, boryshkerdі belgіlі bіr áreketterdі jasaýǵa mіndetteıtіn atqarýshylyq qujatty oryndaý múmkіnshіlіgі joǵalýyna baılanysty atqarýshylyq іs júrgіzýdі toqtatý týraly sheshіm qabyldady.