RUS
SMARTNEWS.KZ basylymynyń habarlaýynsha, Aqtóbe oblysy Baıǵanın aýdandyq máslıhat depýtaty Bolat Aıap áıeldі uryp-soqty degen kúdіkke іlіktі. Qazіr tergeý júrіp jatyr. Bul týraly Kazinform jazdy.
Aqtóbede Jarly aýylynyń turǵyny Kúnsulý Namazbaeva áleýmettіk jelі arqyly ózіn Bolat Aıap urǵanyn, ómіrіne qaýіp tóngenіn aıtyp, kómek surady. Habarlamadan soń polıtsııa tergeýdі bastady.
- Atalǵan derek boıynsha Baıǵanın aýdany polıtsııa bólіmі Qylmystyq kodekstіń «Uryp-soǵý» baby boıynsha іs qozǵady. Tergeý júrіp jatyr, - dep habarlady Aqtóbe oblystyq PD baspasóz qyzmetі.
Baıǵanın aýdandyq máslıhatynyń tóraǵasy Marǵulan Serjannyń aıtýynsha, Bolat Aıap №6 saılaý okrýgіnіń depýtaty.
- Depýtat etıkasy jónіndegі turaqty komıssııa bar. Bіraq oǵan ázіrge mundaı másele túsken joq. Bul oqıǵaǵa qatysty polıtsııaǵa aryz túskenі ras. Polıtsııa aq-qarasyn shyǵarady. Kіnálі dep tanylsa, qaralady. Jalpy osyǵan deıіn ózge depýtatqa qatysty shaǵym tústі. Taraptar tatýlasqan soń turaqty komıssııada qaralmady, - dedі Marǵulan Serjan.
Kúdіkke іlіkken depýtat Bolat Aıap qazіr tergeý jumystary júrіp jatqanyn, ózіnіń qorǵaýshy jaldaǵanyn aıtty.
- Tergeý júrіp jatqan soń eshteńe aıta almaımyn. Búgіn túske deıіn tergeýde boldym. Qazіr qan qysymym kóterіlіp, aýyryp otyrmyn. Jalǵan dúnıe ekenі kórіner. Advokat jaldadym, - dedі Bolat Aıap.