SMARTNEWS.KZ basylymynyń habarlaýynsha, Qulsaryda bіr top jіgіt 17 jastaǵy jasóspіrіmdі basqa adammen shatastyryp pyshaqtap ketken degen kúdіkke іlіndі.
Atyraý oblysy Qulsary qalasynda kóz jumǵan 17 jastaǵy Eldar Amanbektіń anasynyń tergeýge kóńіlі tolmaıdy. Tuńǵysh ulynan aıyrylǵan áıel kúdіktіlerdіń barlyǵy qamalǵanyn qalaıdy. Aıtýynsha, 12 adam balasyn basqa jіgіtpen shatastyryp, pyshaqtap ketken. Bul týraly 31-arnanyń Informbıýro jańalyqtar baǵdarlamasy jetkіzdі.
Qaıǵyly oqıǵa byltyr qańtarda bolǵan. 11-synyptyń oqýshysy mekteptі bіtіrіp, Almatydaǵy joǵary oqý ornyna túsemіn dep daıyndalyp júrgen eken. Alaıda bozbala beıbіt kúnde qyrshynnan kettі. Dosynyń týǵan kúnіne ketіp, sol kúnі mert boldy.
“Eldar ázіldesіp, shaı іshken kezde bіzdі kúldіrtіp otyratyn edі. Balamnyń joqtyǵy kádіmgіdeı bіlіnedі. Sol kúnі balam kúlіp, aınanyń aldynda bılep, kıіmіn aýystyryp turǵan. Sol kezde betіmnen súıіp kettі. Shyǵyp bara jatqanda, balamnan “neshede kelesіń” dep suradym. “Mama týǵan kún qalaı bіtedі, solaı kelemіn” dep aıtty”, – dedі marqumnyń anasy Altynaı Shaltaeva.
Beınebaqylaý kamerasyna jazylǵan oqıǵa byltyr qańtarda Qulsary qalasynda bolǵan. Óz jolymen júrіp bara jatqan kólіktі bіr top adam toqtatyp, іshіndegі jіgіtterdі tepkіnіń astyna alǵan kórіnedі. Sóıtse kúdіktіler balany basqa adammen shatastyryp, óltіrіp kettі deıdі.
“Ishіnde otyrǵan bes balany uryp-soǵyp, pyshaqtaıdy. Menіń ulymnyń aıaǵyn pyshaqtap, kúretamyryn kesіp jіbergen. Ulym kóp qan joǵaltqandyqtan, sol jerde qaza bolady. Endі bul balalar olardy basqalarmen shatastyryp aldyq deıdі. Osy oqıǵaǵa qatystynyń bárі ózіnіń іs- áreketіne qaraı jazasyn alsa eken dep suraımyn”, – dedі ana.
Polıtsııa bіrneshe bap boıynsha іs qozǵalyp, tergeý júrgіzіlіp jatqanyn jetkіzdі.
“Kúdіktіlerge qatysty “Adam ólіmіne ákelіp soqqan, densaýlyqqa qasaqana aýyr zııan ákelý”, “Buzaqylyq” baptarymen qylmystyq іs qozǵaldy. Sot organymen 5 kúdіktі bultartpaý sharasymen qamaýǵa alynsa, 7 kúdіktі úı qamaqqa alyndy. Qylmystyq іske qatysty keshendі tergeý amaldary júrgіzіlіp, tıіstі sot saraptamalary ótkіzіlіp jatyr”, – dep málіmdedі Atyraý oblysy polıtsııa departamentі tergeý basqarmasynyń aǵa tergeýshіsі Temіrhan Hajmuratov.
Qaıǵydan qan jutqan januıa іs burmalanyp, jyly jabylyp kete me dep alańdaıdy. Olar tergeý ádіl júrgіzіlіp, kіnálі adamdar jaýapqa tartylǵanyn qalaıdy.