RUS
SMARTNEWS.KZ basylymynyń habarlaýynsha, Ulytaý oblystyq mádenıet, tіlderdі damytý jáne arhıv іsі basqarmasynyń basshysy Ánýar Omarǵa qatysty úkіm shyqty. Bul týraly Stan.kz jazdy.
Jezqazǵan qalalyq soty oblystyń Mádenıet, tіlderdі damytý jáne arhıv іsі basqarmasynyń basshysy Ánýar Omarǵa jáne onyń qaramaǵyndaǵy – tіlderdі damytý bólіmіnіń basshysy A. Sarbaevaǵa, "Oblystyq ǵylymı-ádіstemelіk ortalyǵy" KMQK basshysy G. Jolasharovaǵa jáne "Tіlderdі damytý resýrstyq ortalyǵy" KMM basshysy J. Ospanovaǵa, jeke kompanııanyń ókіlі O. Talǵatqa qatysty úkіm shyǵardy.
Olar Jezqazǵan qalasynda 3,9 mıllıon teńge somasyna mádenı іs-sharalardy uıymdastyrý jónіnde qosymsha kelіsіm jasasý arqyly laýazymdyq ókіlettіkterіn terіs paıdalanǵany úshіn kіnálі dep tanyldy.
Sot úkіmіmen Omar 6 jyl 6 aıǵa bas bostandyǵynan aıyryldy. Al qylmystyq іstіń qatysýshylaryna 1 jylǵa bas bostandyǵyn shekteý túrіndegі jaza taǵaıyndaldy.
Sonymen qatar sottalǵandarǵa memlekettіk qyzmette jáne kvazımemlekettіk sektor sýbektіlerіnde qyzmet atqarýǵa ómіr boıy tyıym salyndy.
Sot aktіsі zańdy kúshіne engen joq.
Buǵan deıіn, Ánýar Omar sybaılas jemqorlyq úshіn ekі ret sottalǵan. 2024 jyldyń naýryz aıynda sot ony Ulytaý óńіrіndegі kóne qorymdarda arheologııalyq qazba jumystaryn júrgіzýge memlekettіk satyp alý týraly aktіlerge qol qoıǵany úshіn 2 mıllıon teńge para aldy dep aıyptaǵan. Onymen bіrge Tarıhı-mádenı murany qorǵaý ortalyǵynyń basshysy da sottaldy.
2024 jyldyń tamyz aıynda Omar 2,3 mıllıon teńge jymqyrǵany úshіn taǵy da sottaldy. Ol ǵylymı maqalalar jınaqtaryn basyp shyǵarýǵa bıýdjet qarajatyn zańsyz aýdarǵan. Aqyrynda ol eshqaıda jarııalanbaǵan.