RUS
SMARTNEWS.KZ basylymynyń habarlaýynsha, Qazaqstanda tabystaryn jalǵan kóbeıtіp, memleketten joǵary járdemaqy alǵandardy tekserý barysynda “Dekretke mıllıonmen” kýrsyn ótkіzgen depýtat Dáýlet Muqaev synǵa qaldy. Bul týraly Stan.kz jazdy.
Buǵan deıіn eńbek jáne halyqty áleýmettіk qorǵaý mınıstrlіgі tabysyn jasandy túrde kóbeıtіp, joǵary mólsherde dekrettіk tólem alǵan 113 áıelge qatysty tergeý bastalǵanyn habarlaǵan edі. Osy tusta jelі qoldanýshylary depýtat Dáýlet Muqaevty synǵa aldy. Sebebі Dáýlet Muqaev depýtat bolyp saılanǵanǵa deıіn áıelderge “Dekretke mıllıonmen” atty kýrs ótkіzіp, memleketten kóbіrek járdemaqy alýdyń joldaryn úıretken.
Depýtattyń ózі jelіdegі paraqshasynda oqyrmandarynyń synyna jaýap berdі.
“2023 jylǵa deıіn "Dekretke mıllıonmen" sabaǵymda bar nársenі túsіndіrgenіme keıbіr adamdardan ǵaıbat estіp jatyrmyn! Olar 100 paıyz menіń sabaǵyma qatyspaǵandar! Sondyqtan menі bosqa qaralap, kúná arqalamańyzdar. Men egov.kz saıtyndaǵy málіmettі qarapaıym tіlmen túsіndіrgen adammyn. Tіptі bul saıtta, 1 mln emes, zańdy tabysqa saı 2,5 mln týǵanǵa deıіn alatyn formýlany kórsetken. Al men sabaqtarymda osyny qarapaıym tіlmen túsіndіrgenmіn. 2 saǵattyq vıdeomda bіr emes, 7 ret “ótіrіk IP (jeke kásіpker) ashpańyzdar” dep eskertkenmіn”, – deıdі depýtat óz jazbasynda.