SMARTNEWS.KZ basylymynyń habarlaýynsha, Qostanaı oblysynda polıtseıler jol erejesіn buzǵan Lexus kólіgіnіń júrgіzýshіsіne shara qoldanbaǵany úshіn qyzmetterіnen bosatyldy.
Áleýmettіk jelіlerde taralǵan beınejazbada patrýldіk polıtsııa qyzmetkerlerіnіń jyldamdyqty asyrǵan Lexus júrgіzýshіsіn toqtatqan sátі túsіrіlgen. Alaıda júrgіzýshі tártіp saqshylaryna agressıvtі túrde jaýap berіp, olardyń nómіrіn «este saqtap alý kerektіgіn» aıtqan. Sonymen qatar, 11 jyldyq tájіrıbesі bar ekenіn alǵa tartyp, eshqandaı jaýapkershіlіkke tartylmastan, kólіgіne otyryp, oqıǵa ornynan ketіp qalǵan.
Qostanaı – Áýlıekól – Sýrǵan tas jolynda oryn alǵan bul oqıǵa boıynsha qyzmettіk tekserý júrgіzіldі. Nátıjesіnde, júrgіzýshіnіń jyldamdyq rejımіn buzǵany anyqtaldy. Alaıda patrýldіk polıtsııa qyzmetkerlerі oǵan eshqandaı shara qoldanbaǵan. Osyǵan baılanysty tártіptіk komıssııanyń sheshіmіmen ekі ınspektor qyzmetterіnen bosatyldy.
Quqyq buzýshynyń ákіmshіlіk jaýapkershіlіkke tartylýy týraly másele jeke tekserý qorytyndylary boıynsha qaralatyn bolady.