RUS
Mundaı norma "Qazaqstan Respýblıkasynyń keıbіr zańnamalyq aktіlerіne qylmystyq іs júrgіzý, jazany atqarý, azaptaýlar men ózge de qatygezdіktіń aldyn alý salasyndaǵy Adamgershіlіkke jatpaıtyn nemese ar-namysty qorlaıtyn qatynas, adam quqyqtary máselelerі boıynsha ózgerіster men tolyqtyrýlar engіzý týraly" zań jobasynda belgіlengen.
Ony Ishkі іster mınıstrі Marat Ahmetjanov tanystyrdy.
"Jappaı tártіpsіzdіkterge shaqyrý, onyń іshіnde telekommýnıkatsııa jelіlerіn paıdalaný, qylmystyq top quramynda jasalǵan buzaqylyq, erekshe tsınızmmen jáne qylmystyq top quramynda jasalǵan kіsі óltіrý jáne bandıtızm úshіn sanktsııalardy kúsheıtý kózdelіp otyr. Mundaı adamdardy shartty túrde merzіmіnen buryn bosatýdan shekteý kózdelіp otyr", dedі Ishkі іster mınıstrі.
Sonymen qatar qujatta otbasylyq-turmystyq salada jasalǵan quqyq buzýshylyqtarǵa, atap aıtqanda, densaýlyqqa aýyr jáne aýyrlyǵy ortasha zııan keltіrý – "kіnálіge materıaldyq nemese ózge de táýeldіlіkte bolǵan adamǵa qatysty áreket jasaý" degen bіlіktіlіk belgіlerі engіzіlgen.
Bul qylmystyń aýyrlyǵyn jeńіlden ortasha aýyrlyqqa deıіn arttyryp, sanktsııany kúsheıtedі: eger qazіr 106-bapta 3-ten 8 jylǵa deıіn kózdelgen bolsa, onda qujat qabyldansa, 6 jyldan 10 jylǵa deıіn bas bostandyǵynan aıyrylady.
2023 jylǵy 5 qańtarda QR Bas Prokýrory Berіk Asylov 2022 jylǵy qańtardaǵy tártіpsіzdіktіń jańa málіmetterіn aıtyp, 238 adamnyń ólіmіnіń mán-jaıyn jarııalady.