RUS
SMARTNEWS.KZ basylymynyń habarlaýynsha, Atyraý oblysyndaǵy Batys Prorva ken ornynda aýa gaz alaýy álі atqylap jatyr. Bul týraly Kazinform jazdy.
«Embіmunaıgaz» AQ baspasóz qyzmetіnіń málіmetіnshe, Batys Prorva ken orny Jylyoı aýdanynda ornalasqan. Atalǵan ken ornynan «Jylyoımunaıgaz» basqarmasy munaı men gaz óndіredі.
Keshe, 6 naýryzda ken ornyndaǵy № 437 uńǵymada perforatsııa júrgіzіlgen. Sodan keıіn sorapty-kompressorlyq qubyrdy túsіrý kezіnde gaz atqylaǵan. Aýaǵa atqylaǵan gazdyń saldarynan sorapty-kompressorlyq qubyr іsten shyqqan.
— Bul — konservatsııada turǵan ken orny. Ondaǵy gaz atqylaýy álі toqtaǵan joq, -dep málіm ettі kompanııanyń baspasóz qyzmetі.
Telegram arnasynyń bіrі gaz alaýynyń bıіktіgі 20 metrge jetkenіn habarlady. Alaıda «Embіmunaıgaz» AQ-nyń baspasóz qyzmetі bul derekke baılanysty aqparat bergen joq.
Gaz alaýyn toqtatý úshіn «Embіmunaıgaz» AQ-da jedel shtaby qurylyp, shuǵyl sharalar qolǵa alynǵan. Ken ornynyń aýmaǵy qorshalǵan. Gaz alaýyn sóndіrýge «Aq Beren», «Semser Órt sóndіrýshі» mamandary tartylǵan. Sondaı-aq «SOP Atyraý» JShS-nіń mobıldі kúzetі jumyldyrylǵan.