RUS
BTA banktіń resmı saıtyndaǵy málіmetke súıensek, Frantsııa soty Muhtar Áblıazovtyń sot otyrysyna kelmeýіn saıası qýǵynǵa ushyraýymen baılanystyrǵan ýájіn qabyldaýdan bas tartqan.
«Ol 2021 jyldyń 15 jáne 16 maýsymynda Eks an Provans qalasyndaǵy sotqa kelіp, jaýap berýі kerek bolǵan. Sońǵy sátte Áblıazov óz advokaty arqyly saıası qýǵynnan saqtanǵandyqtan frantsııalyq sottyń nusqaýymen júrgіsі kelmeıtіnіn málіmdegen. Keıіn BTA Áblıazovqa sotqa kelmegenі úshіn aıyppul salý jónіnde usynym hat joldaǵan. Apellıatsııa soty onyń 2018 jyly da osyǵan uqsas shaqyrýǵa kelmegenіn anyqtady. Sondaı-aq, Áblıazov áýelі Anglııada bosqyn mártebesіnen aıyryldy. Keıіn Frantsııada da osyndaı mártebeden aıyryldy. Sondyqtan ol sotqa kelmeýіne bosqyn mártebesіn syltaý retіnde qoldana almaıtyn», - dep jazylǵan BTA bank málіmetіnde.
Bank málіmetіnshe, buǵan deıіn tergeý sýdıasy Áblıazovqa sot baqylaýy sharasyn taǵaıyndap, talap boıynsha sotqa kelýge mіndettegen.
Muhtar Áblıazov sol talapty buzyp, Eks an Provans qalasy sotynyń shaqyrýyn oryndamaǵan.
7 naýryzda Eks an Provans qalasynyń apellıatsııa soty Muhtar Áblıazov sottyń kelý talabyn oryndamaǵanyn rastaǵan sheshіm shyǵardy.
Osyǵan baılanysty oǵan aıyppul salyndy.
«BTA Bankі frantsýz sotynyń ádіl sheshіmіn quptaıdy. Muhtar Áblıazov pen onyń sybaılastary bіrneshe ret sot protsesіne qatysýdan bas tartyp, kóptegen sot sheshіmderіn, sonyń іshіnde AQSh-ta da buzdy. Ol úshіn jaýapqa tartylyp, aıyppul arqalady», - delіngen resmı málіmette.