RUS
SMARTNEWS.KZ basylymynyń habarlaýynsha, QMA Bas prokýratýranyń úılestіrýіmen «Asar Baspana» qarjy pıramıdasynyń qyzmetіn toqtatty.
QMA málіmetіnshe, ol tutynýshylyq kooperatıv retіnde jasyrynyp jumys іstegen.
Tergeý barysynda Týǵanbaev N.M. bastaǵan pıramıda uıymdastyrýshylary, 86 myńnan astam azamattan 12,4 mlrd teńge tartqan, esesіne aı saıyn 30%-ǵa deıіn tabys ýáde etken.
Shyn mánіnde, naqty bıznes bolmaǵan, tólemder jańa qatysýshylardyń salymdary esebіnen júzege asyrylǵan.
Nátıjesіnde Týǵanbaev pen onyń serіktesterі 3,8 mlrd teńge qarajatty zańsyz ıelengen.
Kúdіktіler salymshylardy adastyryp, Almaty qalasynda qurylys materıaldaryn óndіrý, tіgіn tsehy men turmystyq jáne medıtsınalyq tehnıka zaýyty jumys іstep jatqandyǵyn málіmdegen. Shyndyǵynda, ónіmder úshіnshі tarap jetkіzýshіlerіnen satyp alynyp«Asar Baspana» logotıpіmen tańbalanǵan.
2024 jyly jeltoqsan aıynan bastap, pıramıdaǵa degen senіm azaıa bastaǵan kezde, uıymdastyrýshylar avtosalon ashyp, resmı dılerlermen árіptestіk ornattyq degen jalǵan aqparat taratqan. Shyn mánіnde, avtokólіkter salymshylardyń aqshasyna satyp alynyp, Týǵanbaevtyń týystaryna rásіmdelgen, - delіngen málіmette.
Pıramıdany áshkere qylatyn jaǵdaılar týyndaǵan tusta, Týǵanbaev N.M. 8 aqpan kúnі «Asar Baspana» saıtyn tehnıkalyq rejımge aýystyrǵan. Bul qylmystyq árekettі jasyrý maqsatynda jasaldy.
Alaıda tergeý barysynda serverlіk derekter qalpyna keltіrіldі. Saıt derekterіne sáıkes, «Gold» deńgeıіne jetken 15,5 myń salymshynyń tek bіreýіne ǵana páter berіlgen.
«Platina» baǵdarlamasy boıynsha 15 myń úmіtkerdіń arasynan tek bіr salymshyǵa ǵana kólіk berіlgen.
Eske salaıyq, 2025 jylǵy 9 aqpanda 49 keńsede jáne 81 kúdіktіnіń turǵylyqty jerіnde tіntý júrgіzіldі.
Onyń nátıjesіnde 1,1 mlrd teńge, Toyota Land Cruiser 300 jáne Lexus 570 sııaqty 10 premıým-klasstaǵy avtokólіkter tárkіlendі, olar Týǵanbaev pen onyń jaqyndaryna rásіmdelgen.
Sonymen qatar, Aqtaý qalasynda Týǵanbaev N.M.-nyń baýyrynyń úıіnen kooperatıvtіń esepshottarynda bolýy tıіs 945 mln teńge qolma-qol aqsha tabyldy.
1,2 mlrd teńgeden astam somaǵa shottar buǵattalyp, tyıym salynǵan.
2025 jylǵy 11 aqpanda Týǵanbaev N.M. men Baıtasov N-ǵa qatysty 2 aıǵa qamaýǵa alý túrіndegі bultartpaý sharasy qabyldandy.
Sotqa deıіngі tergeý jalǵasýda.