RUS
SMARTNEWS.KZ basylymynyń habarlaýynsha, Úkіmet otyrysynda bіryńǵaı ýaqyt beldeýіne qatysty másele kóterіldі.
Saýda jáne ıntegratsııa mınıstrі Arman Shaqqalıev bіryńǵaı ýaqyt beldeýіnіń halyq densaýlyǵyna, energııa tutyný jáne eńbek ónіmdіlіgіnіń áserіne monıtorıng júrgіzіlgenіn alǵa tartty. Onyń aıtýynsha, jumys barysynda derekterdі zertteý, saýalnama nátıjelerі men ýaqyt beldeýі ózgerýіne deıіngі jáne odan keıіngі kórsetkіshterdі salystyratyn keshendі tásіl qoldanyldy.
Mınıstrdіń sózіne qaraǵanda, 40 astam metrıka men kórsetkіshterdі qamtıtyn ýaqyt beldeýіnіń ózgerýі halyqtyń densaýlyǵyna, energııa tutynýǵa, eńbek tıіmdіlіgіne, oqýshylardyń úlgerіmіne, jol kólіk oqıǵalary kórsetkіshіne, qylmysqa jáne basqa aspektіlerge áserіn baǵalaý boıynsha zertteý ádіstemesі bekіtіldі.
Densaýlyq saqtaý baǵyty boıynsha halyqtyń jas shamasyna qaraı bólіngen toptaryn jáne qala men aýyl turǵyndaryn qamtıtyn taldaý júrgіzіldі. Energııa tutyný boıynsha eń joǵary júktemelerdіń áserіn baǵalaý jáne elіmіz boıynsha kóp páterlі turǵyn úılerde elektr energııasyn tutynýdaǵy statıstıkalyq salystyrý jumystary júrgіzіldі. Eńbek qyzmetі boıynsha da taldaý jumystary júrgіzіldі. Naqty derekterge negіzdelgen nátıjeler ýaqyt beldeýіnіń ózgerýі halyq ómіrіnіń negіzgі kórsetkіshterіne terіs áserі bolmaǵanyn aıqyndaıdy, - dedі ol.
Sonymen qatar óńіrlerde talqylaý barysynda máslıhat depýtattary jumys kestelerіn aýystyrý arqyly jumys ýaqytyn ońtaılandyrý jónіndegі bastamany qoldaǵan.
Búgіngі tańda, Shyǵys Qazaqstan oblysynyń bіrqatar aýdanynda (Qatonqaraǵaı, Marqakól, Úlken Naryn, Zaısan, Tarbaǵataı, Samara, Kúrshіm) turǵyndar tarapynan qoldaý taýyp, jumys kestesі 8:00 (tańǵy segіzden) 17:30 (keshkі bes jarymǵa) deıіn ózgertіldі. Bul sharalar, azamattar úshіn qolaıly jaǵdaı jasaýǵa sondaı-aq kásіbı jáne jeke ómіr arasyndaǵy teńdіktі jaqsartýǵa baǵyttalǵan, - dep qosty mınıstr.
Vedomstvo basshysy osyndaı tájіrıbenі jergіlіktі atqarýshy organdar basqa óńіrlerde de qoldanýǵa múmkіndіgі baryn eske saldy.