RUS
SMARTNEWS.KZ basylymynyń habarlaýynsha, 2026 jyly sáýіr-mamyr aılarynda Almatyda LDPR negіzіn qalaýshy Vladımır Jırınovskııge eskertkіsh ashylady degen aqparat tarady. Bul týraly TASS aqparattyq agenttіgі habarlady.
Agenttіktіń málіmetіnshe, Saransk jáne Almaty qalalarynda saıasatkerdіń týǵanyna 80 jyl tolýyna oraı eskertkіsh ornatý josparlanǵan.
Baspada bar qujatqa sáıkes, Vladımır Jırınovskııge arnalǵan іs-sharalar uıymdastyrylyp, sáýіr-mamyr aılarynda eskertkіshterdіń saltanatty ashylýy ótedі, – delіngen habarlamada.
Almaty qalasynyń ákіmdіgі eskertkіsh ornatý usynysy túspegenіn málіmdedі.
Almaty qalasynyń mádenıet basqarmasyna V.Jırınovskııge eskertkіsh ornatý týraly ótіnіsh túsken joq. Almaty qalasynyń tarıh jáne mádenıet eskertkіshterіn qorǵaý jónіndegі komıssııa tıіstі usynysty qarastyrǵan joq,- dedі Almaty qalasynyń ákіmdіgі
Aıta keteıіk, Jırınovskıı 2022 jyly 6 sáýіrde 75 jasynda ómіrden ótken. Reseıde oǵan arnap saltanatty rásіmder ótkіzіlіp, saıasatkerdіń qyzmetіne baılanysty kınofılmder kórsetіlgen.
Sonymen qatar, 2024 jyldyń 6 qarashasynda Reseı prezıdentі Vladımır Pýtın 2026 jyly Jırınovskııdіń 80 jyldyǵyn memlekettіk deńgeıde atap ótý týraly Jarlyqqa qol qoıǵan bolatyn.