RUS
SMARTNEWS.KZ basylymynyń habarlaýynsha, Grýzııanyń burynǵy prezıdentі Mıhaıl Saakashvılı memlekettіk qarajatty іrі kólemde talan-tarajǵa salǵany úshіn 9 jylǵa bas bostandyǵynan aıyryldy.
Sýdıa Badrı Kochlamazashvılı eks-prezıdenttі bıýdjet qarajatyn zańsyz jumsady dep tanyp, ony bas bostandyǵynan aıyrý týraly sheshіm shyǵardy. Sonymen qatar, bul іste Grýzııanyń arnaıy kúzet qyzmetіnіń burynǵy basshysy Teımýraz Djanashııa da jaýapqa tartyldy. Oǵan qyzmettіk ókіlettіgіn asyra paıdalandy degen aıyp taǵylyp, 300 myń ları (shamamen 110 myń dollar) kólemіnde aıyppul salyndy.
"Pıdjaktar іsі" – Mıhaıl Saakashvılıdіń 2009-2013 jyldar aralyǵynda memlekettіk bıýdjetten 8,8 mıllıon ları (shamamen 3 mıllıon dollar) jeke qajettіlіkterіne jumsaǵany týraly іs. Tergeý málіmetіnshe, ol bul qarajatty Londonda qymbat kıіmder, sonyń іshіnde jetі pıdjak pen kashemır palto satyp alýǵa, demalysqa jáne kosmetıkalyq protsedýralarǵa jumsaǵan.
Aıyp taǵylǵanymen, Saakashvılı men Djanashııa protsestі saıası astary bar dep esepteıtіnіn aıtyp, kіnásіn moıyndamady.
Aıta keteıіk, Mıhaıl Saakashvılı qazіrdіń ózіnde basqa qylmystyq іster boıynsha 6 jyldyq jazasyn ótep jatyr. Ol Sandro Gırgvlıanıdіń óltіrýshіlerіn zańsyz keshіrdі jáne depýtat Valerı Gelashvılıdі soqqyǵa jyǵýǵa buıryq berdі degen aıyppen sottalǵan.